Indonesia ram ih Dutch Pathian riantuan nak netabik asimi Puithiam a kum 82 ah nunnak cem. (August 14, 2022)

Indonesia ram ih Dutch Pathian riantuan nak netabik asimi Puithiam a kum 82 ah nunnak cem.

(August 14, 2022)

            Indonesia ram saklam Sulawesi ramthen Manado Diocese ah Pathian  rian a tuan tu Dutch Pathian riantuan pawl sungin netabik asimi Fr.Albertus Bernardus Joseph Smit cu a kum 82 August 11 ah a nunnak a cem. "Amah cu Manado Diocese ah riantuantu Dutch rammi netabik riantuantu asiih a tuah kanmah cu Netherland ram ih Pathian riantuan pawl an um nawn lo" tiin Bawi Jesuh Thianghlim Thinlung kaing ih upa khal a si.

            Fr. Smit cu Netherland ram Goor khuapi ah 1940, March ah a suak ih a nulepa cu Johan J.B.Smit le Gerrit Dina Siemerink pawl an si. 1967 ihsin thokin Pawlpi ah society of the Sacred Heart of Jesus Missionarii Sacratissimi Cardis Bawi Jesuh Thianghlim thinlung kaing MSC ih pawlkom sungtel tiin a tuan. A nunram ih a caan tam sawn cu Puithiam tlawng thangsonak hrang a hmang. Latin tong a zir ih "Elementa linguae Latinae" Latin a hrampi thuhla pawl timi cauk a ngan ih cui cauk cu text book tiin an hmang.

            Pathian rian a tuan sungah St.Antonius Padua Tara-Tara kohhran cauk ah 1967 ihsin 1983 tiang le St.Antonius Padua tatuaran Kohhran cauk ah 1985 ihsin 1987 tiang rian a tuan ih 1988 ihsin thokin kakaskawn Tomohan, Karmel ih upa tiin rian a tuan.

            Bawi Jesuh Thianghlim Thinlung kaing sungtel Fr.Yonce Monkey in Fr.Smit cu bang lo ten Pathian rintuantu Puithiam a si tiin a sim. "A nunram cu Kakaskasen ih lailak tlawng Puithiam cannak tlawng ih Puithiam cang tu ding tlawngta pawl hrang a hlan aw. A duhdawt nak le ngaihsak nak pawl cu mi tampi a bom nak ihsin an ngah. A tuah amah cu tlawngta tampi sungah athiam zet mi Brother pawl, Puithiam pawl, Sister pawl le Decon pawl an suak zo tiin Fr.Mony Key in a sim.

            Bawi Jesuh Thianghlim Thinlung kaing ( Congregation) cu nisuahnak lam Indonesia Maluka, Langgur ah Netherland ram ihsin Pathian riantuan pawl an thlennak 1903 ihsin thokin Indonesia ah Pathian riantuannak an thok. Indonesia ram Borneo tikulh nisuahnak lam ih Sulawesi ihsin Netherland, Germany le Brazil pawl ihsin Pathian riantuan pawl cu 1920 le 1967 sung ah  a thleng zoih Fr.Smit cu cumi sungih a tel ve thu,

            Indonesia ih kaing cu 1971 October 6 ah an din thok ih, atuah pawlkom sungtel 300 luan an um zo. An hnatuan daan le Pathian rian an tuan nak pawl khal ram 13 tiang a darh zo tiin an sim. Himi thuthang cu RVA thuthang ihsin kan don mi a si.

https://bit.ly/3dBEp0a