India Divine Word ih Provincial superior cu covid 19 ruangah a kum 62 ah a nunanak cem. (August 18, 2022)

India Divine Word ih Provincial superior cu covid 19 ruangah a kum 62 ah a nunanak cem.

(August 18, 2022)

            The Society of Divine Word (SVD) ih upa asimi cu, August 18 ah India nisuahnak lam ah covid 19 ruangah a nunnak a cem. Amah cu kum 62 a si. “Divine Word Puithiam Fr.Petrus Kullu, India nisuahnak lam ih Provincial Superior cu a nunnak a cem. A thlarau hrangah thlacam sak uh. Ruakvuinak ding thuhla famkim cu neta ah sim leh a si ding tiin Divine Word ih Vice provincial Superior Fr.Victor Rodrigues in a sim.

            Thuhla hrampi an simnak vekin tikcu thleng lai ah nisuahnak India, Odisha ramthen ih Jharsuguda, Provicial inn ah khuhkhuh le khuasik nat pawl cu August 12 ihsin Fr. Kullu in tlangrai a tuar tiin an sim. Jharsuguda ih St.Mary siizung ih siibawi kan sut ih, tlawngrai damnak hrang sii kan ngah ih kan pe ringring tiin Fr.Rodrigues in a sim.

            Asinan cumi caan ah siivai in thaten hna a tuan lo. Thin thlung nat a nei ih cumi in a naa ter. August 16 ihsin a thawthawt a har ih, jharsuguda St.Mary siizung ah tuamhlawm a si. St. Mary siizung ih an check hnu thinthling nat le awmpit nasa zet in a tuar.

            A oxygen a tla vivo ih Sambalpur, Bargorh ih Vikash siizung ah an thawn ih, cumi zanlam ah 24-7 emergency khan ah tuam hlawm a si. August 17 ih an check fel hnu, siibawi pawl in covid 19 nat a neih thu an hmu ih cumi cu a lung ah nat hrik a lut zo.

            Fr.Kullu cu cumi siizung thotho ih 24-7 covid emergency khan ah an thawn sal ih, ihkhun ah a bok zawng in oxygen an than. “Siibawi pawl cun thuhla zaten an sim lo. Covid sii pawl an pe. CT scan ih an check nak vekin a nat hrik cu level 25 sungin 13 ah a um. A dinhmun a that cuang lo asile, a thawthawt nak ah sii an thun tum” tiin Fr.Rodrigues in a sim.

            Siivai lam tuamhlawmnak an tuah rero hman ah Fr.Kullu ih harhdamnak dinhmun cu a sia vivoih a nunnak a cem. A mah cu 1960, August 10 ah a rak suak ih, 1992, February 13 ah Puithiam ordination a rak ngah. Currents magazine ih editor Fr.Suresh Mathew ih a sim nak vekin India ram ah covid 19 ruangah a mal bik Catholic Puithiam le Sister 570 an nunnak a cem tiah a sim. Himi thuthang cu RVA thuthang ihsin kan don mi a si.

https://bit.ly/3Qz5EXP