Asia Bishop pawl conference on puai tuah dingah timtuah 

Asia Bishop pawl conference on puai tuah dingah timtuah 

          Asia Bishop pawl pawlkom (FABC) cu a ralai ding mi August 22 ah vei 50 kim thureltlangnak an tuah dingih kohhran pi pawl dinhmun in thlacam sak dingah zaangfah an dil. A ralai ding mi kum pawl sungah tumtah ih tuah ding mi pawl reltlang dingah a tumtah ih Thailand ram, Bangkok khuapi ih um Mithianghlim Nicholas Bunkerd Kitbamrung Biakinn ah on puai an thok ding. Cui caanserh cu online in direct an thlah dingih neta lam ah khal FABC ih social media cahmai pawl le a dang Catholic thuthang zung pawl khal an ngah thei ding. FABC Asia Bishop pawl pawlkom cu 1970, Manila ah Pope Paul VI a rak tlawn lai ah Asia Bishop pawl zate thawn an rak din mi a si.

          Cui conference cu Asia continent ih um Bishop pawl lakah tuan tlang thei dingah thazaang a um ter ih Asia continent  Pawlpi dinhmun in Vatican II council ih zirhnak thawn kaih ih pholang dingah a si. Cu mi vekin Asia Bishop pawl conference a suahnak a si. 2020 cu pawlkom ih kum 50 kim kum a si. Hi tumtahnak cu zingzoi dingah, a r alai ding mi kum pawl hrang lamhmuhnak pawl tuah dingah le hngilhlonak tuah dingah FABC pawlkom tonawknak a si.

Thlacam dilnak

          August 22, on puai theh ah Asia continent ih um kohhran pi zumtu pawl dinhmun in an tuah ding mi hmaisabik nak conference hrang thlacam sak ding caan ih tel dingah FABC in a sawm. Bishop pawl dinhmun in kum 50 kim FABC hrang thlacamnak tluang thei dingah an timtuah zo ih a dang tong phunphun in tonglet thei dingah a forhfial. Kum 50 kim FABC general conference hrang khal “The Song of Asia, Bless Our God Who Walks With Us” (Asia ih hla, kan mah thawn a feh tu Pathian thangthat) tiih hmin pek mi hla khal an phuah. FABC Bishop pawl pawlkom dinhmun in khal thlacamnak le hla pawl cu Asia tluan ah hi thilcang hlopnak le sunsaknak tuahnak ah a bawm thei ding tiih a ruahsan thu a sim.