Nigeria ram, Imo ramthen ah Sr. pali kaih tuar (August 22, 2022)

Nigeria ram, Imo ramthen ah Sr. pali kaih tuar

(August 22, 2022)

         Nigeria ram, nisuahnak thlanglam, Imo ramthen ah Zarhpi ni ah zo ti theih lo mi pawl in Sr. pali an rak kai. Sr. pawl cu: Sr. Johannes Nwodo, Sr. Christabel Echemazu, Sr. Liberata Mbamalu le Sr. Benita Agu pawl an si ih Mass raithawinak ih an fehnak lamzin ah kaih an rak tuar mi a si. Kaih tuar tu Sr. pawl cu Rundamtu Bawi Jesuih Sr. pawl congregation in an si ih hi riahsia za thilcang cu secretary-general, Sr. Zita Ihedoro in lethmat a thut mi ca ah a rak than.Thuthan hrekkhat an siar mi ah “Khrih ah duhdawt mi u le nau pawl a parlam ih tarlang mi kan unau Sr. pali kaihtuarnak mangsal in riah a sia zet.”

         “Kan unau Sr. pali pawl Mass raithawinak an fehnak lamzin ih kaihtuarnak hi riahsiaza thilcang cu Okigwe-Umulolo kiangkap ah a rak cang. An congregation in “zamrang ten him te’i an luatnak hrangah thlacamnak” an nei ih kan Bawi Jesuh Thianghlim Nu Maria hnenah Sr. pawl an luat theinak hrang thla an cam.

Kaihtuarnak

         Africa mipum tambik umnak ram ah hriamhrei kaitu pawl in ram mipi tampi an kai theu ih report pawl thawn Nigeria ah tu baite ah kaih tuarnak tampi a um kha hmuh a theih. Kaihtuarnak pawl cu a bangaw lo mi Biaknak lam hruaitu pawl le Puithiam pawl ih hmin pawl khal hmui an tin. Kan dung zarh ah Okigwe le Umunneochi lamzin lakah Catholic Puithiam pakhat le Pathian thuzirhtu saya pakhat kaih an rak tuar. Nihnih a rei hnu ah an rak thlah sal.

         Hi thuthang cu Vatican thuthang ih kan ngah mi a si.

https://bit.ly/3wlgGIs