FABC in Golden Jubilee cu October thla ah Thailand ram ah tuah dingah an nemhnget. (August 20, 2022)

FABC in Golden Jubilee cu October thla ah Thailand ram ah tuah dingah an nemhnget.

(August 20, 2022)

              Covid 19 pulhnat a can hnu kum hnih ah, Asia Bishop pawl pawlkom (FABC) in kum 50 kim kum cu Thailand ram ih Bangkok khuapi ah October 12-30 tiang tuah a si ding. Asia ih Catholic Bishop pawl, nisuahnak lam Kohhran pawl telin, anmah ten thu relkhawnak asilole hmaiton rori in tonawk nak an tuah ding.

              FABC cu 1970 ah din asiih, Pope Paul VI in Philippines ram Manila khuapi ih Asia Bishop pawl hmaisabik a ton caan ah a si. Caanserh on puai cu Social media pawl ah live in thlah asi ding. Himi caanserh ah ram 40 lai ihsin Puithiam upa 140 luan, FABC ih zung hnatuan le mikhual pawl an tel ding.  An tonawk sungah Asia ih ram a phunphun ih Bishop pawl ih cangvaih nak pawl an sim ding.

              Bishop pawl ih tumtah mi cu aralai dingmi kum hrang lam hmuhnak pawl, avei hnihnak Vatican council ihisn tuilai ton mi sawmnak tiang "Church in Asia" ti duh san in, thurelkhawmnak, thlacamnak, tleunak hrang thazang si dingah a si. Aveihnihnak Vatican council, Vatican II ti tla ih kawhmi cu Catholic Pawlpi ih kum zabi 21 ih Kohhran mi pawl thurelkhawmnak a si.

              1959 January 25 ah Pope John XXIII in aveihnihnak Vatican council (1962-65) tuah dingah a rak than ih, Vatican II tiin khal ti a si. Ti duh san cu thlarau lam ah Kohhran ih thar sal nak le Khristian then thek nak hrang Rome ihssin Khristian lungrual nak ah tel dingah tuan vo pawl a si. FABC in thlacam dingmi ih an timtuah mi cu "FABC 50" thuhla theih nak, ruahsannak thawn Asia ih ram a phunphun ah "theihnak, hlawp  tlo nak, thil tuah theinak" um dingah a si.

              Thusim tu tampi in thuhla thawn pehpar in ralthatnak le FABC ih Golden Jubilee thurel khawmnak ih mission thu pawl ansim ih Asia Kohhran pawl ih thuthangtha tleunak than ringring ding khalah a tel. FABC ziangtin thiltha an tuah thei ding timi le Bishop pawl le an mah thawn a pehpar mi thurelkhawmnak bawm nak, Asia nunphung lennak pawl leilungpi ah thleng ding ah bawm thei dingah le leilungpi ih Kohhran, Asia ih Kohhran tha vivo mi ah bawm thei dingah a si.

              "Kohhran in Asia ih mipi pawl le minung pawl bom vivo dingah thil thar an zingzoi rero. Kanmah pawl hmun khat ten tleunak, ruahnak, tuah theinak le remnak ah Asia Kohhran thar sal nak ah kan feh tlang pei, himi cu Pope Francis in hmailam hrang timtuah ding ah a sim mi a si" tiin FABC thurelkhawmnak ih tel tu, Pakistan ih Bishop pawl pawlkom ih President Archbishop Joseph Arshad of Islamabd Rawalpindi in a sim.

              Cutiin Thiang Thlarau ih lamhruai nak thawn leilungpi le Asia ih Pathian duhdawtnak cu Pawlpi ah a lang ding" tiin Archbishop in raltha zet in thlacam dingah in sawm. Himi thuthang cu RVA thuthang ihsin kan don mi a si.

https://bit.ly/3AIbHUQ