Pope Kazakhstan ih a Tuukhal khual tlawnnak hrang logo suah. (August 24, 2022)

Pope Kazakhstan ih a Tuukhal khual tlawnnak hrang logo suah.

(August 24, 2022)

          Vatican in Pope Francis Kazakhstan ih Tuu khal khual tlawn nak hrang logo an suah ih, cui khualtlawnnak cu September 13-15 a si dingih motto cu "remdiahnak le lungrualnak phur tu" ti a si. Pope Francis ih Kazakhstan ih a khual tlawnnak ding logo cu tlawngkai nihnih ah an suah ih "remdiahnak le lungrualnak phur tu" ti a si. Pope ih Asia ram lai ih a khual tlawnnak ding cu 2022 September 13-15 a si ding ih, an khuapi Nur-Sultan ah cui caan ih tuah ding mi avei 7 nak leitlun ram upa pawl le biaknak lam nunphung upa pawl tonawk nak ah a tel ding.

Logo ih langter mi

          Khualtlawnnak hrang logo ih ummi cu laileng le olive thinghnah a cuang. Laileng ih thla cu kut pahnih suai a siih cumi cu ramdaihnak le lungrualnak phur tu langter nak a si. A thla ih um mi love zuk te cu duhdawtnak a khih hmuh ih a rah suak cu khat le khat theih thiam awknak, hnatuan tlangnak le thurelkhawmnak a si. Olive hnge cu Kazakh ih mawi nak thawn suai a si.

          A background cu "Shangrak" a pawl zawng, kazakh mi nunphung daan thawn um reo tu pawl ih tul mi "the yurt" le a sungah aihre zawng a um. A zawng cu a pawl le aihre asiih Kazakhstan ih ram Aalan thawn a bang aw ih, Aihre le a rang cu Vatican Aalan thawn a bang aw. Thinghnah ih a hring mi cu ruahsannak ti duh san a si.

          Tuukhal khual tlawnnak ih motto cu "remdiahnak le lungrualnak phur tu" timi asiih, a tlun ih langter mi cu Kazakh tong in a siih, a tang ta cu Russia tong in  ngan a si. Himi thuthang cu Vatican thuthang ihsin kan don mi a si.

https://bit.ly/3Aj6WiX