Italy ram, Sicily tikulh ih um, hminthang zet mi (Aug 20, SW News) Marian zuk cu leitlunhuap ih tah mi thuamhnaw (1500) thawn tuah mi kawr thawn cei mawi.

Italy ram, Sicily tikulh ih um, hminthang zet mi (Aug 20, SW News) Marian zuk cu leitlunhuap ih tah mi thuamhnaw (1500) thawn tuah mi kawr thawn cei mawi.

            Italy thlanglam ih um, hminthang zet mi Marian ih upat tlak mi hmun pakhat cu Madonna del Soccorso tiih kawh mi (Our Lady of Soccor) ih puaini sunloihnak ah leitlunhuap ih um mi kohhran mipi pawl hnenin ngah mi puante (1500) hrawng cu angki pakhat ah thit in an rak hlu. Bawinui pauini Aug 21, hlan tiang a hlu cu Castellammare del Golfo khuapi ah an rat ap ih hnipuan thittu pahra hrawngin (1500 7x7) cm um mi puante pawl an thit kom ih pulhnat a can rero sungah kum(2) rei an rak thit ih a bangaw lo mi pianzia le rong pawl tel mi puante pawl cu Italy miphun pawl lawng in si loin ramdang ih um mi kohhran mipi pawl khal in zum thei lo mi damternak (lo le) nau suahnak vek thluasuah thangthatnak hrangah lungawi lehrulnak ah hi a thianghlim mi zukah an rak kuat mi asi tiah a sim.

            Hrekkhat thuamhnaw pawl cu a dik mi nunram fehpi ding mi hawl dingah tiin kutsihnak kawr bizu pakhat ih thenkhat zuk pawl khal an kuat vekin thuamhnaw hrekkhat pawl thawn cauk  fate ih kilkhawi mi ca tawi te pawl le thlacamnak pawl khal an rat kuat. Cui Bawinui hrangah angki cu veikhat ah America ramah thuamhnaw zung ah rak tuan dahtu kum (83) kim zo mi Lina timi nunau pakhat ih tawlrelnak thawn an thit ih pulhnat a can rero lai ah a dawr ah thuamhnaw zaten a thleng ih thil thitnak dawr pakhat ah a rak thlengawk thu,

            An pawlkom sungtel pawl khal in tha ten an rak thit thu, hi a danglam zet mi Bawinui zuk hrangah thumhnaw an hruk sak ih an hlu mi ruah daan cu cui hmun ih um mi Sicily ih sak mi nunphung daan Rosary pakhat ih catlang ih ra mi a si thu, Quantummari Association hruaikai tu Baldo Sabella in Italy Biaknak lam thuthang agency Avvenire ah a rak sim ih kohhran mipi pawl thawn a dang pawlkom sungtel pawl cu kan dung rei lo te ah Marian ih a thianhlimnak hmun an vel ih hleice tak ih thit mi angki a rak keng.

            Bishop Pietro Maria Fragneli ih Mass raithawinak a hoha ih cui khuapi ih um tu pawl cu 1718 ih mangbangza ruangah mirang pawl ih donak rak tuar tu khuapi rundamnak hrang sunloihnak ah Our Lady of Soccor cu biak khawmnak thawn an tuahnak a si tiin khal a rak sim.

https://bit.ly/3AKpb29