Europe commission hotu Taize pawlkom ih thureltlangnak (August 30, 2022)

Europe commission hotu Taize pawlkom ih thureltlangnak

(August 30, 2022)

          Europe commission hotu Ursula von de Leyen cu Taize pawlkom ih thureltlangnak pawl sungin pakhat a rak tel. A naunu cancer natnak thawn a thih hnu ah a sungkua pawl harsat caan pahsuak dingah Taize in ziang tluk in a rak bawm ti khal cui thureltlangnak ah a rak sim. Rinhlehnak le khuathim lak caan ah a rak si. Tui kum sungah Taize le Taize ih thlarau lam thuhla tampi a rak sim ih cu mi pawl hrangah ruahsannak tumpi thawn hmailam caan ah rinumnak tampi a um. Hi mi khal a liam zo mi kum 50 lai vekin a rak si. Curuangah zumnak le ruahsannak pawl ka sungkua pawl lak ah a rak ngah ter sal. Hi mi thu ah tu tiang ka lunghmui tuk” tiin Europe Commission hotu Ursula von de Leyen in a sim.

          Taize thureltlangnak cu kan dung Easter puai ah an rak thok sal ih cu tawk ah mino 20,000 luan cangvaihnak ah an rak tel. Europe ih tui ton rero mi mino pawl hnenih thusimnak ah Europe ih tui ton rero mi buainak ton rero mi hniksaknak pawl a rak ruah mi khal a si. “Europe cu mino pawl hrangah ruahnak thar, hmuhnak thar pawl umnak hmun a si. Asinan, cu mi pawl cu ziang tik hman ih famkim mi veikhat ih hlawhtlinnak a um lo. Europe in a mai thansonak hrangih cat bang loin hnatuan dingah a tesinfa tinkim in pholang sin ding an tuanvo a si” tiin Europe Commission hotu Ursula von de Leyen in a sim. Taize cu Christian pawl lakah rualremnak um sinsin dingin 1940 ih rak din thok mi Christian pawlkom pakhat a si

          Hi thuthang cu Rome Reports thuthang ih kan ngah mi a si.

https://bit.ly/3QnsnoQ