Thailand ram ih Catholic kohhran mipi sungih Bank hnatuannak neitu kum (88) ah thi (October 01, 2022)

Thailand ram ih Catholic kohhran mipi sungih Bank hnatuannak neitu kum (88) ah thi

(October 01, 2022)

          Bangkok bank cu Thailand ram ih a tumbik mi pursum leilawnnak bank pakhat a si. Cui bank hotu cu Peter Piti Sithi-amnuai a si. A mah cu peknak lam ih tirhsiang zet tu Catholic kohhran mipi pakhat khal a si. A mah cu September 30, tlawngkai ninga, a kum 88 ah lungnat thawn mual a rak liam. A mah cu BBL pawlkom sungtel khal a si ih director dinhmun in kum 37 tiang a rak hoha. (2018) ah hruaitu dinhmun in hrilnak ngahtu a si. A mah cu Thailand ram, Catholic Pawlpi hrangah a hleice ih hlutu a si vekin Licas thuthang zung ih tuan mi cu Bible Cathianghlim cu hramthok ih hmuhnak, curuangah sim rel thei nak neitu pawl hrangah aw tuah sak tu zung pakhat, mifarah veng pawl ih um tu pawl hrangah ruahsannak si ding a thupit thu Licas thuthang thawn pehpar in a rak sim dah.

Mi riantu hotu pakhat, nunram ih rak zirtu

          A mah cu zohthim tlak mi kohhran mipi pakhat a si ih lainatnak thinlung neitu a si thu, Licas zung dintu, leitlunhuap thawn pehpar mi LINDA hotu dinhmun ih rak taunt Chainarong Monthienvichienchai in a rak sim. A mah cu Biakinn sak ding hrangih tulsam mi sumpai pawl a rak bawm. Pawlpi sungih um tu pawl hnenah an zumnak phorhsuaknak caan um dingih tuah sak lonak kum ti um ter hlah uh tiin a rak forhfial theu. A mah cu 2013 ihsin netabik hrilnak a ngah caan tiang Malaysia ih din mi Bangkok Bank Berhad ih hotu khal a si. A mah cu mi tlaitluang zet mi hruaitu a si. Thathnemnak um dingin a rak tuah thu, a rak kai nak tlawng, Asian Institute of Management ih thusuhnak ah a rak  sim. Hruaitu ti mi cu cu vek a si. Curuangah hruaikainak ti tikah midang riannak a si. Hruaitu ti mi cun nitin hruaikai a tul. Nang khal zir aw ti a si.

Ruakvuinak le nitin thlacamnak caanserh

          Nitin thlacamnak le ruakvuinak caanserh cu Bangkok khuapi ih um ‘Holy Redeemer Church’ ah October 1-7 tiang an tuah dingih ruakvuinak caanserh khal cui Biakinn ah October 8 (Rosary Siangpahrang Bawinui puaini) ah an tuah ding. A thi tu ih innsang pawl dinhmun in thlacamnak lawng tuah sak cio dingah le ngai tu ih zunngaihpar, tawng ih ret mi pangpar pawl pek lo dingah zaangfah kan lo dil ti a si.

https://bit.ly/3fIAXlN