Lothlo pawl, tlawngta pawl le khua ih council sungtel pawl hrangah India ah community puai tuah October 05, 2022

Lothlo pawl, tlawngta pawl le khua ih council sungtel pawl hrangah India ah community puai tuah

October 05, 2022

         Thlaici, leiram le hruaitu sunsak mi milai pawlkom in “Sadhav Mahotsav” cu October 01, Pilar Pilgrim Centre, Pilar Goa ah Society of Pilar in caanserh an rak hmang.

         Lothlo pawl, cui khua council sungtel pawl le San Andre tlawngta, Goa, India ram nitlaknak lam ih um tlawngta pawl tel in zumnak bangaw lo mi biakkhawmtu 200 luan an tel.

         Phunhra tlawng pakua ih tlawngta 150 luan cangvaihnak phunphun ah an rak tel.

         Puai cu tlawngta pawl hnenah rualremnak umnak, remdaihnak le unau pawl, a hleice in mai suahnak ram kilkhawi ding a tul thu, Sadbhav ih thuronnak hotu, Fr. Elvis Fernandes in Pilar Society of Pilar ih zuamnak le Biaknak phunphun pehtlaihnak khaisan sak mi zuamnak ah tlawngta le mipi rualremnak ah an telh.

         Zinglam ah phunhra tlawngta pawl in “Let’s Paint the World” ti mi thulu thawn zuk suainak cangvaihnak pakhat an nei.

         Zuk an suai mi pawl cu “dawm, thil ci le a cing tu sunloihnak” timi thu hrampi thawn an tuah.

         “Rualrem ten um dingin zirnak” ti mi thulu thawn cangvaihnak thu reltlangnak cu Elaine Coelho, Govida Phadte le Panjim ih Nirmala Institute of Education tlawngta sungin Meherunissa Shafi in hi caanserh cangsuak dingin an rak tawlrel.

         Tlawngta pawl cu bualrawn le Pilar Hillock ih um mi hmuan ah an rak feh. Fr. Mario Rebelo le Fr. Andrew Joseph te in hi cangvaihnak an rak hruaikai.

         Lothlotu hrekkhat le khua mipi pawl ih timtuah mi ei in pawl cu mi zapi an zem.

         The Pilar Pilgrim Centre ih director, Fr. Lawrence Fernandes in mipi zaten a hmuak ih milai sungkua pakhat kan si vekin kan um tlangnak tuah dingih nan ra thlen thei ruangah ka lungawi tiah a rak sim.

         Sun caw an ei theh hnu ah caanserh ih a tel tu pawl le thil ciinnak zungih tuanvo neitu pawl thawn an reltlang ih ci cinnak thawn pehpar mi pholangnak khaan pakhat an rak tuah sak. 

         Nunphung program sungtel dinhmun in Madhav Bhide in danglamnak upat in kan pawlkom ih nunphung pawlkom sungih rualremnak that ternak ti mi thulu thawn thu a rak sim.

         Cu mi cu Goa ih um ci cinnak kilhimnak, khaisannak le kum reipi um ter nak hniksaknak pawl le a cang thei ding mi thulu thawn thu reltlangnak an rak tuah.

         Ci cinnak lam ih mithiam, Miguel Bragaza le Horticulturist pawl in thu reltlang mi an rak ruat tlang.

         Kiangkap kilhimnak lam mithiam, Elsa Fernandes in nikhua thlengawknak le ci cinnak parih cang thei mi pawl cu science lam ih a hmuhdaan a rak sim. Goa University ih professor Ramrao Wagh in Khazan leiram ih fang an cin thu a rak sim.

         ATMA North Goa ih project director, Kishore Bhave in Goa ah fangcinnak a um sal ruangah technology thar (thil ci cinnak le cet lo) ih thathnemnak pawl a rak sim.

         Thilcinnak lam ih mifim le Society of Pilar pawlkom sungtel in thil cinnak ih thathnemnak le organic cinnak thuhla an rak sim.

         Caanserh ih tel tu pawl ih pholang mi pawl cu lothlo nunram ih ton rero mi harsatnak phunphun a hlawm tu pawl lakah thu reltlangnak tampi an rak tuah.

         Hi thuthang cu RVA thuthang ih kan ngah mi a si.

https://bit.ly/3CF9b2x