Philippines ram ah Christian Pawlpi thlen kum (500) kim Coffee Table ca uk suah (September 28, 2022)

Philippines ram ah Christian Pawlpi thlen kum (500) kim Coffee Table ca uk suah

September 28, 2022

          Hi ca uk cu Philippines Catholic Bishop pawl pawlkom ih mipi pehtlaihnak commission, Radio Veritas Asia le Philippines ramsung ih thlah mi Pawlpi ih Radio caanserh a si mi Radio Veritas 846 pawl kom aw in an rak tuah. Tumtah mi cu Philippines ram ah Christian zumtu thlennak kum (500) kim hngilhlonak ah September 28 ah Radio Veritas Asia ih hallkhaan ah an rak tuah. Cui on puai ah Fr. Victor Sadaya CMF, the General Manager of Radio Veritas Asia, Fr. Anton C.T. Pascual, the President of Radio Veritas 846, le Fr. Roy Bellen, the Vice-President for Operations of Radio Veritas 846 le ca uk editor pawl an rak tel.

          Ca uk sungah kum (500) sung Pawlpi ih tuah mi pawl, tumtah mi pawl, cun khualtlawng rero tu Pawlpi thuhla a thok ihsin tarlang a si.

          Caanserh cu Missa sumnak thawn an rak thok. Missa sumnak cu Fr. Victor Sadaya, CMF in a rak hoha. Cui hnu ah ca uk on puai an rak tuah ih sun caw ei tu pawl ih lethmat thutnak thawn a rak cem. Missa sumnak sungah Philippines Catholic Pawlpi ih hmaisabik martyr a si mi St. Lawrencezo Ruiz thuhla rak sim ih, Philippines Catholic Pawlpi cun leitlunhuap Catholic pawl hrangah ruahnak a pek thu, cui ruah ding mi cu kan nih in mai ti theinak lawng rinsan a ngah lo thu, Pathian hnenih ap a tul. A thluasuah, a duhdawtnak, a zaangfah lainatnak ah ap a tul tiah a rak sim.

          Philippines Catholic Bishop pawl pawlkom hotu khal a si ih Kallokan Parish hotu Bishop khal a si mi Pablo Virgilio David khal in Philippines ram ih thansonak cu Catholic Pawlpi ih thuanthu thawn a komawk hi ziang ti vekin khal dodal a duh thu, hngilh a ngah lo thu, thei dingin tuah a tul thu, kan nih cu hi leiram ah suak in hi leiram ah Catholic Kohhran mipi pawl dinhmun ih khuasak sung hmuahhmuah ah Catholic Pawlpi ih zirh mi ziang siar lo ih um a ngah lo thu le Rome cu catbang loin rin um a tul thu a rak sim.

          Philippines ram ah Catholic Pawlpi thlennak cu Magellan le a pawlkom sungtel pawl Cebu ah (1521, March 16) ih thlennak thawn a rak thok. Cu vekin um tlan nuam lo mi Rajah Humabon ih tuu a si mi hnenah mangbangza ih dam dingin Magellan ih pawlkom sungtel pawl sung ihsin an dam sak mi thilcang pawl an si. 1521, Pasca Zarhpi ni ah mi burpi 800 luan Baptism lak mi thuanthu sungtel  mi ni pakhat khal a rak si. Cui ni cu Philippines ram ih Christian suah ni tiih nemhnget a theih. Philippines ram cu Asia continent ah Catholic mipi tambik umnak ram a si ih leitlun ah Catholic tambiknak ram ah pathumnak ram khal a si.

          Hi thuthang cu RVA thuthang ih kan ngah mi a si.

https://bit.ly/3fYUMp1