Philippine choir pawlkom in ram tinkim hla zuamawknak ah champion laksawng ngah (October 03, 2022)

Philippine choir pawlkom in ram tinkim hla zuamawknak ah champion laksawng ngah

October 03, 2022

          Philippines Malabon Choir pawlkom in Ken Steven ram tinkim zuamawknak ah laksawng an rak ngah.

          Cui puai cu Indonesia ram, saklam Sumatra ah Sep (23-25) tiang an rak tuah mi a si ih Asia ihsin a zuamtu pawlkom (9) thawn an rak zuam awk mi a si. An hman mi nunphung awnmawi thawn an rak zuam thu, pawlkom sungtel pawl cu ram tinkim zuamawknak ah hmaisabik an telnak a sit hu, an rak zuam mi hla pawl cfu Ko Matsushita ih timtuah mi O Lux Beata Trinitas hla siseh, Moses Hogan ih Didn’t My Lord Deliver Daniel thawn an rak zuam. Netabik zuamawknak ah Fidel Calalang Jr. ih Philippines hla fingkhat a si mi, Ayug-ti-Amianan (Scenes from the North) thawn an rak zuam tiah an sim.

          An mah hla thok le cem hmuhtu cu Anthony Go Villanueva a si ih a mah khal in a thabik hmuhtu laksawng a rak ngah. A mah in choir pawlkom cu kan dung thla (19) ah a rak din ih a thabik pawl a ralai ding tiah a rak sim. Pawlkom ih sersiamnak lam director Briliant Juan in tu vekin laksawng ngah thei dingah pawlkom sungtel pawl in tampi timtuah in an rak apawk thu a rak sim.

          Hi zuamgawknak Ken Steven tiih hmin an peknak cu leitlun mi hminthang zet mi saya ih hmin a si ih a mah cu Indonesia ram, saklam Sumatra tikulh Medan in a si vekin Philippines ih um Asia continent ih biakthawinak le music lam thawn pehpar mi tindaan ah tlawng a rak kai ih America ram, California Baptist university ah music lam ah Master buaih a rak ngah tiah a sim.

          Caloocan ih Philippines Bishop Pablo Virgilio David khal in a facebook cahmai ah ‘Congratulations! Malabon choir’ tiah choir pawlkom a rak sunloih.

          Hi thuthang cu RVA thuthang ih kan ngah mi a si.

https://bit.ly/3CrDHvi