Asia Bishop pawl pawlkom (FABC) ih Conference Nikhatnak (October 14, 2022)

Asia Bishop pawl pawlkom (FABC) ih Conference Nikhatnak (October 14, 2022)

            Asia ih thureltlangnak hnuai ah Sri Lanka, Bangladesh, Pakistan, Brunei, Naple le India ram, nisuahnak tidaan hmang mi, nisuahnak lam Catholic pawl, Syro-Malabar, Syro-Malankara le Latin Rites pawl ih sim mi an rak ngai.

           Ram tinkim ih tarlang mi ah mai ramsung Pawlpi le kohhran mipi pawlkom pawl ih ton rero mi hniksaknak pawl, thinphannak pawl, Pawlpi ih hnatuan pawl thuhla cu an thinlung sungin an rak sim. Bawmawk tonnak, theihthiamnak thawn khat le khat bawm aw in hmainor dingah tha a rak pek.

           Aloysius John of Caritas Internationalis ih Asia ram tluan ah an mai nunphung humhimnak hnatuan pawl thawn pehpar in lamhmuhnak pawl, tumtah mi pawl thuhla, pulhnat sia theh ah pawlkom ih tumtah mi vekih tuah tikah ton rero mi harsatnak pawl, hniksaknak pawl, an pawlkom thawn congress in siseh, Pawlpi ih thenkhat pakhat ih a tel thu a rak simfiang.

           Hmaisabik ni cu zinglam thlacamnak, Missa Sumnak thawn a rak thok. Missa Sumnak cu Cardinal Orlando Quevedo in a rak hoha ih covid ruangih nunnak cem tu pawl hrangah khal thla a rak cam sak. Hmaisabik ni cu pawlkom ih thureltlangnak thawn a rak cem.

https://bit.ly/3rXJc06