Asia Catholic Bishop pawl pawlkom (FABC) ih Conference Nithumnak (Asia ramtluan thureltlangnak) October 15, 2022

Asia Catholic Bishop pawl pawlkom (FABC) ih Conference Nithumnak (Asia ramtluan thureltlangnak)

October 15, 2022

           Asia Catholic Bishop pawl pawlkom ih nithum ni cu Octo 15 ah an rak tuah.

           Caanserh cu Cardinal Joseph Coutts ih hohanak thawn Missa Sumnak an rak tuah. Khat le khat ngaisak awknak tluk ih thatnak pek tu a um lo thu, lungawi thusim thiam dingah, ruahsannak nei dingah, thianhlimnak ih kawh tikah thinlung sungih thlun dingah tha a rak pek.

           Bangkok Bishop, Cadinal Francis Xavier Kriengsak Kovithavaniji in nithumnak caanserh a rak hoha. Bangkok Cardinal in Missa Sumnak sungah Cardinal ih thusim mi ruat phah in thuthangtha ih cafang le nunram thawn kan nitinnunram ah sim ding a thupit thu, thuthangtha cu kan nitin nunram ih ken a tul thu, Bawi Jesuh cu kan mah sungah a um ti mangsal in hi caanserh ih a tel tu pawl lungai sopar ten a rak sawm.

           Zinglam thlacamnak cu Pakistan ih St. Paulfanu, Sr. pawlkom in video thawn hla le ruah ding tampi thawn an rak hoha.

           Nithumnak thureltlangnak cu Japan, Taiwan, Vietnam, Kazakhstan, Kyrgyzstan, Mongolia, Myanmar, Hong Kong ram ihsin an rak tarlang.

           Ram tinkim ih an tarlang thu thuanthu in siseh, ram ih um kohhran mipi pawl ih hlawhtlinnak, hniksaknak pawl, theithiam dingah zuam phah in a ngai sak thu a tarlang ding. Cuihnu ah pawlkom thar pawl in thureltlangnak an rak tuah bet.

           USCCB ih hotu Most Reverend Oscar Azarcon Solis khal in Asia Catholic Bishop pawl ih zuamnak ruat in thathnemnak um mi thureltlangnak si dingah sadhu a that. A mah in America ram ih Catholic Pawlpi dinhmun thawn pehpar in a rak hlawm.

           USCCB dinhmun in khal Asia Catholic Bishop paw pawlkom thawn an komawk ding thu, ram tinkim ihsin ai-awh tu pawl dinhmun ih an tuah mi pawl ih hlawhtling ingah khal saduhthahnak a nei.

           Catholic humhimtu pawlkom ih pawlkom sungtel pawl, tuanvo neitu pawl khal in pawlkom ih hnatuan mi, tumtahnak, saduhthah mi pawl le tui pawlkom dinhmun in ziangtin a tul thu, conference ih tel tu ai-awh tu pawl dinhmun in mai ram ih feh sal tikah ram ih tulsam mi pawl bawm thei dingah tlaitluang ten tuah mi pawl phorhsuak dingah a rak forhfial.

           Fr.Clarence Devadass khal in ram tinkim ih ai-awh tu pawl ih an rak tarlang mi a ruah daan a rak sim.

           Cu ti a sim tikah thenli in a rak sim.

1.  Lungnomnak
2. Thinphannak
3. Pawlpi in ziangtin a rak feh sal
4. Asia Catholic Bishop pawl pawlkom ih thlengawknak ziangtin a tuah sak ti mi a si. Nithumnak khal a si ih netabik ni khal a si mi caanserh cu Cardinal Kriengsak ih zaanlam thlacamnak thawn a rak cem.

Hi thuthang cu FABC thuthang ih kan ngah mi a si.

https://bit.ly/3T9peLH