Kawhran thuthang Langnak hmutu St.Joseph Sister pawl ih Kawlram Mission hnatuannak kum 175 kim Jubilee Puai Lumbang khua ih tuahnak thuthang.

Kawhran thuthang

Langnak hmutu St.Joseph Sister pawl ih Kawlram Mission hnatuannak kum 175 kim Jubilee Puai Lumbang khua ih tuahnak thuthang.

           Hakha Diocese sung ih sister pawl an thlen hmaisa biknak a simi Falam peng Lumbang khuaah St. Joseph Sister pawl ih Kawlram sungih Pathian hna an tuan nak kum 175 kim lungawinak Jubilee pi cu lungawi ten tuah suak a si. Lumbang khuaah Ramdangih sin Lumbangah Pathian hna a tuantu Rev. Fr Mufatt ih sawmnak thawn kum 1972 ah Sister pali an thleng ih Pathian hna an rak tuan.

            Hi mi puai tuah nak cu Hakha Diocese din hmun in tuah mi a si. hi Puai ah hin Hakha Diocese ih Bishop, Siangbawi 18, Bro 3 le Sister pawl 26 an tel thei thu, Lumbang Parish sungih Pathian thu simtu saya pawl le Christma tha peknak a ngah tu nauhak tlei rawl 300 hrawng le tualsung mipi pawl thawn lungawi ten hman suak a si ruang khalah Pathianhnen an lungawi thu, Kan ram din hmun ih a zir lo ruangah hi ti zat lawngih tuah a si thu khal tuanvo nei tu St. Joseph Sister pawl ih Provincial a si mi Sr Theresa Phi Ling Yah hnen in theih a si.

           Hi puai Biak thawinak ah Bishop Lucius Hre Kungih hoha nak thawn Missa biak thawinak caan serh hman a si ih cu mi ah Sr pawl in Sr Pawlih thuanthu  simnak, Pope hnenih sin ngah mi sunlawihnak Capi  siarnak,  Pope Aiawh tu hnen ih sin ngah mi sunlawihnak Capi siarnak, Hakha Bishop hnenih ngah mi sunlawihnak ca pi siarnak le Bible Cathianghlim siarnak an neih hnuah Confirmation peknak a si ih Sister pawl ih lungawi sumnak an tuah.

           Missa sumnak a net nakah Bishop ih thlasuah peknak thawn caan serh hman a si thu, a net nak ah Puai cang suak dingin a phunphun in bawmtu pawl hnen St. Joseph Sister sungih Councilor a si mi Sr Ann Cingin lungawi thu a simnak thawn Jubilee Missa cu hman suak a si.