Vatican –Tuluk ram karlak Catholic Kohhran thawn pehpar mi lungkimnak October 23, 2022

Vatican –Tuluk ram karlak Catholic Kohhran thawn pehpar mi lungkimnak

October 23, 2022

            Cohlang ding a um asile tonawknak, tonawkih thurelnak parah zoh fel sal in neta Vatican le Tuluk cozah karlak Tuluk ram ih Catholic Kohhran thawn pehpar in Tuluk cozah thawn lungkimnak an tthan sal. Hi lungkimnak cu (September 22, 2018) ihsin a thokih cui lungkimnak cu kum hnih veikhat relkhawm in kum than le than lo ding thu an bot cat theu. Tui tum kum thannak cu veithumnak a si.

            Himi lungkimnak ih thuhla bik cu Tuluk ram ih Catholic Pawlpi hrang Bishop pawl hrilnak ah Vatican ih duhnak lawng siloin Tuluk cozah ih lungkimnak khal ruat dingah a si. Catholic Pawlpi ih cin le daan vekin Bishop um lo asilole a tul mi ram ihsin hril ding mi pawl hmin pe in Vatican in an hril theu. Himi lungkimnak vekin Tuluk ram ih Bishop hril nak ah Vatican ih ruahnak lawng siloin Tuluk cozah ih lungkimnak khal tel dingin lungkim a si.

            Vatican thuthang zungih an suahnak vekin Tuluk ram ih a tui thu nei tu party kha upat in a tha lam zawng in pehtlaihnak, Tuluk ram sungih Catholic kilkhawi thei dingah le cui hmun ih Kohhran mi pawl ih thlarau thatnak ruat in kum an than nak a si. Himi thu thawn pehpar aw in kan dung July ah Pope Francis in Writer thuthang ih thusuhnak a sannak ah tui October thla ah kum thawn bet dingah a ruahsan thu a sim dah.

            Tuluk ram ih Catholic Pawlpi hrang Bishop khaisannak thawn pehpar in a nuam te tiin ruah asinan tui tiang a that thu, asinan caan hngak in zamrangten tuah ding a cang thei lo thu, Tuluk ram dinhmun in buainak a um thu ziangruangahtile ram thunei tu pawl cu Catholic Kohhran pi kha cozah ih sim vekin siloin mai ti daan thawn dangten an tuah thu, asinan hmun tinkim ah hivek buainak a um lo tiin an sim.

            Pope cu Cardinal Agostino Casaroli ih zuamnak a man sak. Amah cu Europe nisuahnak ah Catholic Kohhran din dingah thinsaunak a neih thu a sim vekin tangdor ten tuan tu  asi. Pope John XXIII, Pope Paul VI hnen khal a san lai ah mipawl cu duh lonak, a phunphun in an rak dodal dah. Hmun pakhat ih dinhmun dik thei in, thil cang thei mi tuah ding. Ruahnak menmen si lo ding. Ram palai rian tuannak ah a cang thei dingmi hawl in tuan nak a si. Himi thuthang cu RVA thuthang ihsin kan don mi a si.

https://bit.ly/3SMEpcP