Asia Catholic Bishop pawl ih Asia mipi pawl hnen thucah mi

Asia Catholic Bishop pawl ih Asia mipi pawl hnen thucah mi

              Asia continent ih Catholic Pawlpi ih Tuukhal tu pawl a simi kanmah pawl in himi lungawi za, ruahsannak hmunkhat ten kan neihthu Asia mipawl hnen ca kan lo kuat. Asia Bishop pawl pawlkom ih thurelkhawmnak in Asia ah Pathian in thluasuah a burh ruangah ka lungawi. Himi pawlkom ih sung tel sung in Bishop 17, nisuahnak lam daan Catholic Pawlpi ihsin Bishop 2 an tel. Thurelkhawmnak ih thulu cu “Asia mi pawl hmunkhat ten feh tlang uh si” tiin a si. Himi thulu cu a liam zo mi kum 50 lai in an feh tlang zo, himi thuluthawn hnget ter sal asiih, cutivekin nung vivo dingah feh tlang nak thar pawl thawn feh ding tiin an sim.

              Kanmah pawl lungawi ten hmuak in, thurelkhawmnak khalah nunphung minister pawl an tel ruangah Thailand cozah hnen an lungawi thu, Thailand Catholic Bishop pawl pawlkom hnen khal an lungawi thu, ahleice in a dang lam zet mikum 50 kim kum ah inn tek tiin cohlang tu Bangkok ih Archbishop Cardinal hnen an lungawi thu, Vatican ih aiawhtu ihsin thokin adang leitlun continent pipawl ih aiawhtu pawl khal himi thurel khawmnak ih an tel ruangah an lungawithu, himi thurel khawmnak ah a thami thlacamnak an tuah thei thu, thungainak, thil thar, khat le khat tha pek nak parah tha a ngah ter thu, covid 19 ruangih tuar mi pawl dam ter caan khal a si thu,

              Kan thu rel mipawl thawn Asia ih tul mi pawl, a lawng mipawl a lang fiang thu, Asia ih dinhmun pawl an zoh fel thu, hmun khat ten ke kar dingah theih nak, ruahsannak, ralthatnak anngah vekin Asia ih thatnak hrang thubot cat nak pawl khal an tuah thei thu, leiltun continent a phun phun ihsin a bangaw lomi sawm nak pawl ih bawmnak le thudik dilnak khal an hmuhthu,

-Farah zonzai pawl ih harsatnak, covo sungah, hnon tuar pawl sinak nun ter nak,

- Harsat tuar pawl, mivaipawl, umnak a tlansan tu pawl, hmun le ram ih tihnak pawl, sinak nei in, a himmi hmun ngah nak,

- Siatsuah asi rero mi kiangkap tap aw, tik cu thlengnak, leilungpi a satnak, a daih mi ngaihsak nak dilnak,

- Kohhran pi sung khalah siseh, nunphung kiangkap ah siseh mino pawl san nei zet in mai ruahnak pawl lang suak thei dingah,

- Kohhran sungah nunau pawl khal a him mi hmun peknak, ansinak upat nak, mi dik hmun dik ah hmang dingin,

- Innsang pawl ah remdiahnak, zate hrang bomnak an hawl.

- Cuihleiah a tanglam ih dinhmun pawl khal an thinphan thu,

- Nat tuar mi thenkhat Diocese pawlih nat nak zia dingah zangfahnak thinlung, tuar tlang dingah,

- Ruahnak luar pawl ih aw ring zet in a suak nak ruahnak tha thawn lehrulh dingah,

- Minung nunnak a hleice in kilhim thei nak cu nunphung kiangkap ah tuah dingah,

- Kan continent sungah tuahmawhnak, buainak thang nak cu relkhawm nak an dil thu,

- Nunphung kiangkap cu fimthiam nak ih thleng nak ton a si. Himi fimnak cu thatnak a um vekin that lo nak khal a um.

Thlacamnak thawn tuan in duhdawtnak, zangfahnak, thudik, ngaithiamnak ah himi sawmnak pawl lehrulh duh a um. Remdaihnak thawn rem aw sal nak cu pakhat lawng asimi hmailam feh daan a si tiin kan zum. Khat le khat thungainak le Pathian thu thawn kaihmi thil thar pawl ah a hrambun mi ti daan thar pawl thawn Pathian rian tuan dingah hmuhnak an ngah.

              Gospel thuthangtha le Pope Francis ih zirh mi pawl hrambun in

-Kanmah pawl cu fehd ingah a harsa mi hmun pawl ah thleng ding tiin kan tum. Kanmahpawl bawm a tul mi hnen lungawi nak thawn rian dingah kawh kan si.

- Kanmah pawl cu dungthluntu hnatuan le kiangkap ih thil tha tuah nak remthatnak asimi “leilungpi ih tap aw le mi harsa pawl ih tap aw ngai in leh rul dingah kawh kan si.

- Kanmahpawl cu zumnak bang lo, ti daan bang lo, nunphung bang lomi sungkhat nai pawlthawn remdaihnak le a thami nunphung thangso dingah tuan ding.

- Kanmah pawlcu biaknak lam kiangkap lawngah remdaih nak um dingah zuam loin ram cozahthawn khal siseh, cozah asilomi pawlkom pawl khal ah siseh, hmunleram ih pawlkom pawl khalah siseh pehtlaih in minung covo, farah nak hlon nak, minung zuarnak, leilungpi kilkhawi nak le a dang hnatuan pawl tuanding tiin an tum.

              Khat le khat thungai nak cu Pathian thungai nak asi ruangah khat le khat thu ngai thaimnak nunphung khal thangso ding a tul. Kan zumnak ah siseh, kan biaknak, ramkhel, nunphung, innsang pawlle pawlkom pawl hnen kom awknak siseh, ahleice in harsat nakdinhmun ih ummipawl hrang bom thei dingah kanmahle mah hmaisa ramaw in thleng aw ding tiin an tumtah.

              Himi tumnak le thubot cat nak thar pawl cu hmunkhat tenfeh tlang nak thawn leilungpi hrang pekawknak thawn hmun kan si. Cutivekin Catholic pawlpi cu Asia kha tha vivo dingah zuam in tuahnak a si timi khal aamahkhan a um timi in thei ter. Nan zate hrang thla kan lo camsak ding tiin thu kan lo kam vekin nannih khal kan zate hrang thla in cam sak uh. Minung thatnak le sersiam mi zate hrang kan feh tlang pei. Thailand ram khualipi Bang Kok (October 30, 2022)