Bishop Alphones Bilung SVD, Rourkela ih Bishop in Catholic Mission Sii inn ah Nov 11, 2022  a kum 92 ah a nunnak cem.

Bishop Alphones Bilung SVD, Rourkela ih Bishop in Catholic Mission Sii inn ah Nov 11, 2022  a kum 92 ah a nunnak cem.

          Hi mi Bishop vui nak caanserh cu Nov 15^th 2022 nazi 10:00am ah Kesramal Parish thlanmual ah vuiliam a si ding. A mah cu June 5, 1933 Odisha state Rourkela diocese ah a rak suak. Tlawngkai a theh in kum 1951 ah the society of Divine Word (SVD) pawlkom ah a rak lut.

Novitiate a theh hnuah Palda ah a hmaisa bik thukam nak a rak tuah. Cun Philosophy cu 1556-58 tiang a zir ih Theology cu kum 1958-61 tiang Jnanadeep Vidya Peeth, Pune ah a rak zir suak. A nunram ih tuah tul mi final profession cu 1961 ah a rak tuah ih Rourkela Diocese ih Sacred Heart cathedral ah October 3^rd 1961 ah Puithiam cannak a rak sang. 1961 ah Sambalpur Mission ah hna a rak tuan. A phunphun in mission hna a rak tuan. 1962-1964 ah Kesramal ah assistant siangbawi dinhmun in rian a rak tuan.1964-1865 tiang Gaibira ah Hostel ah hotu a rak tuan.

1966-70ah tlawnguktu le Elementary zirhtu ah hotu a rak tuan. 1970 ah Rome khuapi ah a feh ih ca zir theh hnu kum 1972 ah rector of SVD Community a tuan phah in Gaibira ih high schoolah Sectetary a rak tuan. Bishop Hermann Westermann SVD hnen ih a um lai ah Sambalpur ih Bishop in Vicar General Sambalpur ah tuan dingah a rak sawm. Hi mi ah hi tin a rak ti in sawm mi cu ka cohlang konan Parish fate in pe aw. Mipi rian phah in Pastor ka tuan duh tiah a rak ti. Curuangah a  mai dilnak vekin 1972 ah Hamirpur Catholic Church ah Parish Priest tuan phah in Diocese ih Vicar General khal a rak tuan.

1977 Rome General consulter ah a rak tel ve. Alphones bilung in Rourkela Diocese ah a hmaisa bik Bishop tuan dingah a rak fial. 1979 Nov 3, ah Bishop Ordination a rak ngah. Rourkela diocese ah Tuukhal din hmun in kum 30 rei a rak tuan.

Hi kum 30 sungah teimak suah in zumnak lam thu zirhnak, thuthangtha simnak, fimthiamnak ,hrahdamnak, Pathian kawhnak ngah dingih tuahnak le pursum leilawnnakih thansonak dingah Diocese sungah a rak tuah. Amai hnatuan harzet phunphun rak tuannak in nikhat hnu ni khat kawhhran member tampi a rak thang. Puithiam le religious khal ah kawhnak tampi a rak ngah. Diocese sungih hnatuan dingah religious congregation tampi a rak sawm ih urban area ah parish tampi khal a rak phuan thei.

Bishop ihsin a colh hnuah Puithiam pawl colhnak hmun a si mi Nuagaon Catholic Mission Hospital ah a rak um. 61 puithiam hna a tuan ih 43 Bishop din hmun in rian a rak tuan a si.

https://bit.ly/3E5eIic