Ukraine ah minung 400 in india Catholice Sister thawn nitin thlacam thlang.(Nov 12, 2022)

Ukraine ah minung 400 in india Catholice Sister thawn nitin thlacam thlang.(Nov 12, 2022)

     Sister Ligi Payyappilly cu St. Joseph of Saint- Marc sungtel pakhat a si ih Ukraine ram ah Missionary pakhat a si. Ukraine ah Mission hna a tuantu pakhat in Rassi- Ukraine buainak cem dingah nitin minung 400 thawn thla an cam thu a sim. Nitin kan convent ah thlacam tu minung 400 an um tiah Saint Marc ih sungtel Ligi Payyappilly in RVA news ah a sim.

     Convent an thlen hlan ah cazin an pek cia tiah India mi sister in a sim.Amah cu 2018 ah Ukraine ram mi sinak a rak ngah tu khal a si. Amah cu Ukraine nitlaknak lam ih um Mukachevo Parish, Ukraine nitlaknak lam ih khuapi a si mi Mukachvo ih um convent ah superior a si. Kan dung kum 15sungah thuthangtha phuannak thawn thlacamnak tuah dingah Ukraine le Europe ih a um mi ram then pawl ah an feh theu tiah Payyappilly in a sim.

     Febuary 24, thok in Rassia- Ukraine buainak karlak ah Sister pawl cu mitam pi thawi thlacamnak an mal ter. Ralbuainak a pehzulh vivo ruangah tlawngkai ni khat le nili ni ah mipi pawl thawn nihnih sung thla an cam thu khal a rak sim bet.

Tuahmawhnak ruangah an mai Pathian hnatuan nak ziangvek a si tin in suh tikah ral a buai rero nan kan mai hnatuan kan tuan peh vivo tiah a rak sim. Pathain hnenah kan lungawi. Amai ti daan vek a sile mipi pawl in Sister pawl le thawngtla pawl ih nitin an tul mi inei le a dang tulsam mi pawl in bawm. Sister pawl minung 13 kan um ih india ram mi pathum an tel ih a dang pawl cu Ukraine ram mi an si. Anmah pawl in kum upa pawl umnak innah  minung 18 khal zoh khennak an tuah. Saint- Marc ih Saint Joseph sister pawl cu America, France, Germany, Italy, India le Philippines pawl ah Pathian rian an tuan.

https://bit.ly/3hE9Klc