Social media kha Gospel thuthangtha hrang hmang dingah Indonesia Catholic mino pawl hnen traning (zirnak) ah forhfial. (November 14, 2022)

Social media kha Gospel thuthangtha hrang hmang dingah Indonesia Catholic mino pawl hnen traning (zirnak) ah forhfial.

(November 14, 2022)

           Indonesia ram Denpasar Diocese in mino pawl hnen social media hman daan traning cu Novemer 5-6 tiang an tuah. Cui traning thuzirnak cu mino pawl dinhmun in Gospel thuthangtha phuang nak ah hmang thiam dingah tumtah a si tiin an sim.

           Diocese ih mino tuanvo neitu Fr.Rony Alfridus in a tuvekih fimzirh nak program cu Catholic mino pawl kha san ih zir in tuah sak mi hrampi pawl man nei zet in ziang tin hmang ding timi zirh nak a si thu, Catholic mino pawl thangharh dingah thangphoknak  a si thu, ziangruangahtile Baptism thluasuah a ngah tu tinkim ih tuanvo a simi leitlunpi ah Gospel thuthangtha phuang thei dingah a si thu, social media hmangin Khrih Jesuh phuang tu pawl si dingah a si thu a sim.

           Social media hmannakah thu hman zemdarh dingah, dinhmun pa khatkhat kha felten ruat thiam dingah, a hman a sual, a tuvekih traning pek nak in anmah pawl cu thil tha lo lak in thil tha hmangin nunram din thei dingah, a tui thuzir nak ih thuluu cu “Evangelization Through Social media” (Social media thawn thuthangtha phuang uh si) timi a si thu, Diocese pi dinhmun in mino pawl hnen fimnak thiamnak zirh dingah a bawm thu, a tui thu zir nak ah Archdiocese sungin mino 34 an tel thu, thuzir tu pawl lakah Fr. Kristi Adi Prasetya in “nannih pawl mi menmen mino nan si lo. Nannih pawl cu Catholic mino pawl nan si. Catholic mi pakhat tiin Baptism saramentu nan ngah. Nannih cu Pathian ih duhdawt nak nan phuang ding. Thil sual pawl online ah karh zai lo dingah ralring uh. Ruat thiam dingah ralring thiam ding. Nan ruahnak pawl khal ralring uh. Thuthang hrampi hawl in hnget dingin zingzoi aw tiin a forhfial.

           Mata ram hrek cu Denpasar Diocese ih Nusa Tenggara ih nitlaknak lam ih um mi khuapi a si. Denpasar thawn 137.9 km a hla. Himi Archdiocese sungah Puithiam 49 in mipi 35000 hrang Parish 22 ah rian an tuan. Himi thuthang cu RVA thuthang ihsin kan don mi a si.

https://bit.ly/3Gs9sbg