India ram ihsin Pope ai-awhtu in a dang Biaknak thawn khal nel aw ten um dingah forhfial (November 14, 2022)

India ram ihsin Pope ai-awhtu in a dang Biaknak thawn khal nel aw ten um dingah forhfial

(November 14, 2022)

           India ram Catholic Bishop pawl pawlkom ih vei (33) nak conference ah India le Naple ram hrangah Pope ai-awhtu Leopoldo Girelli in a dang biaknak pawl thawn rualremnak um dingih tuah dingah Gandi ih tuah daan khaisang ih tuah dingah Nov (11, 2022), tlawngkai ninga ni ah India Bishop pawl hnenah a rak forhfial.

           Pope ai-awhtu in Christian tinkim in midang pawl thawn thu reltlangnak tuah a tul. Cu lawngah ziaza ih man hlat zia pawl humhim in sersiamnak hnatuan pawl ah Pathian kan thangthat thiam ding. A dang biaknak pawl than khal rualrem ten um tlang in remdaihnak nunphung din dingah a rak forhfial tiah a sim.

           Pope ai-awhtu dinhmun in tui tum cu hi conference ah hmaisabik a telnak a si thu, curuangah Bishop pawl pawlkom ih hngilh lonak laksawng pawl a rak pek. India cu tui kum August thla ah Cardinal thar (2) an rak ngah bet. Curuangah Cardinal thar pahnih hnen khal ah hngilhlonak laksawng hlan in a rak sunloih. Kan dung rei lo te ah Bishop ih hril mi Bishop thar pawl khal Bishop pawl pawlkom sungtel ah nel aw ten anrak hmuak.

           Tui thla cu a thi zo mi thlarau pawl hrangah a hleice ih thlacam sak thla a si ruangah a thi zo mi Bishop pawl pawlkom ih pawlkom sungtel Bishop pawl ih thlarau hrangah thla an rak cam sak. Pope ih kuthnuai ih um mi thuthangtha karhzainak zungih tuanvo neitu Cardinal ih Luis Antonio Tagle ih sim mi ca sungah khal an rak siar.

           Hmaikum ih tuah ding mi the one day meeting hrangah India ram ih tarlang mi thuthan ca a rak suak. Bishop pawlih conference cu nikhat sung tuah a si dingih Latin tidaan hmang rero mi thuhla pawl khal an tarlang ding. Hi conference ah Diocese zaten (132), Bishop zaten (190) an tel.

           India ram ih Bishop pawl pawlkom cu Asia ah a tumbik ih leitlun ah a palinak ih tumbik mi cazin sungtel a si tiah a sim. Hi thuthang cu RVA thuthang ih kan ngah mi a si.

https://bit.ly/3EE4gQp