Asia Continent ih Khristian innsang tonawk nak cu Bangkok ah tuah.

Asia Continent ih Khristian innsang tonawk nak cu Bangkok ah tuah.

            Avei 22 nak Asia continent ih Khristian innsang cangvaihnak cu Bangkok diocesan Pastoral Center ih Baan Phu Waan ah November 11-14 ah an tuah. Himi tonawk nakah Cambodia, India, Indonesia, Laos, Malaysia, Myanmar, Philippines, Singapore, Sri Lanka, Thailand le Vietnam pawl ih aiawh tu pawl an tel.

            Asia ih Khristian innsang cangvaihnak ih tumtahmi cu innsang nunram le kutsih nakah Khrih a lai ih ret thei dingah bawmnak, nitin nunram ah innsang mi pakhat ciar ah Khristian ralthatnak thawn nung dingin le kiangkap ah duhdawtnak, bawmnak, fimthiamnak le zohthim tlak in thangso dingah a si. Tuikum ih tonkhawmnak ih thuluu cu “khat le khat thurelkhawmnak cu, Asia ah Khristian innsang mission hnatuannak thang ding ah le a dang biaknak pawl thawn pehpar awknak tha nei dingah a si. Thailand for the Laity, Catholic commission ih President Bishop Sivio Siri peng Charatsri ih innsang tongawknak cu Missa raithawinak ah hoha in a ong.

            Bishop Siri pong ih a thuthangtha simnak ah innsang  bomtu pawlkom in pulhnat caan ih an ton mi pawl a sim. Thailand ah nulepa zatek  40 hrawng an then aw. Catholic mino pawl hrangah himi buainak a tam deuhdeuh ziangruangahtile anmah pawl cu miphun mi malte sungtel an si.  Mi malte Catholic pawl in an duh mi pawl cu ralthat nak thawn an hlawm aw.

            Bishop Siri pong ih Kohhran tonkhwmawknak ih thupi zet ih a sim mi cu innsang sungtel pawl ah anmai duh mi pawl thawn ralthazet ih a um tu pawl theih pi in remdaihnak lam ah hruai ding. CFM Sri lanka National Chaplain ih fr.Alexis Clement Prakash Fernando in thurelkhawmnak ah Pawlpi ih ruahnak  pawl relkhawm dingah a sim. A thaisun ah thurelkhawmnak ih tel tu pawl in an thulu asimi hmuhnak le zingzoi nak timi an rel khawm.

            Nakhorn Ratchasima ih Bishop Chusak Siri sut in Thai Bishop conference in thulu  simmi cu “biaknak ih tonkhawm nak ih a thupi mi cu biaknak le nunphung tonawknak” tiin a sim. Pehbet in minung pawl ih hmuhton mi ah Pathian duhdawt nak a um thu cumicu mai kiangkap mi pawl cangvaihnak hrang tha pek nak a si. Curuangah himi cu lungrualnak bomnak, nunphung le Pathian thu khat le khat zem aw dingah a si.

            Pathian ih duhdawtnak in kan kiangkap ih bawm tul  mi le an tul mi pe dingah in sawn. Pathian ih duhdawtnak in midang kan hmuh daan le anmah pawl kan hrangah midanglam an si ti mi thei in pom dingah in thleng. Pathian ih duhdawtnak in minung pawl hnen ah a thawmtumnak pawl langter dingah kan thinlung in thleng. Thurelkhawmnak theh ah avei 12 nak Asia Khristian innsang conference ih sungtel pawl in Buddhist le Hindu cuvek hmun a phunphun ih biakkhawmnak hmun ah an feh. Himi thuthang cu RVA thuthang ihsin kan don mi a si.

https://bit.ly/3Oiyk7a