US Bishop pawl in president thar le vice-president hril.

US Bishop pawl in president thar le vice-president hril.

          Archbishop Timothu P.Broglio cu Nov 15 ah Maryland, Baltimore ih tuah mi the bishops’ General Assembly ah President thar dinhmun in le Archbishop Willioam Edward Lori cu United States Conference of Catholic Bishops (USCCB) ih vice-president dinhmun in hrilnak an rak ngah. The military Services hrangah United States Archdiocese ih Archbisho Broglio cu veithumnak mee peknak ah ai-awhtu (10) sungin mee (138) thawn hrilnak rak ngah tu a si.

          Tu ahcun USCCB ih secretary dinhmun in a tuan rero lai ih Conference president dinhmun in kumthum a tuan hnu ah Los Angeles khuai ih suak mi Archbishop Jose H. Gomez ai a run awh. Archbishop Broglio cu Ohio, Cleveland Heights ah 1951 ah a rak suak ih Cleveland Diocese hrangah 1977 ah Puithiam cannak a rak ngah. Rome khuapi ih um, Pontifical Gregorian University ihsin Canon upadi ah Doctorine le Boston College ah Classic thiamnak thawn buaih pakhat le Sacred Theology lam in buaih pakhat a rak ngah.1990-2001 tiang State Cardinal Angelo Sodano ih Vatican Secretary ah hotu a rak tuan ih Central America hrangah officer a rak tuan.

          2007 ah USA, military archdiocese ih a palinak Archbishop dinhmun in tuanvo rak pek mi a si ih ram tampi ih um Vatican ram palai pawlkom ah hna a rak tuan. USCCB ah Archbishop Broglio cu the Bishops’ committee on International Justice and Peace le an committee ih Canonical Affairs and Church Governance ih chairmen a rak tuan. Biaknak lam zalennak le ramhuap remdaihnak committee le the Defence of Marriage and Health Care subcommittee ah hna a rak tuan.

Archbishop Wiliiam Edward Lori

          Baltimore ih Archbishop William Edward Lori cu conference ih vice-president dinhmun in kumthum a tuan hnu ah Detroit khuapi ihsin suak tu Archbisho Allen H. Vigneron run ai-awh tu a si. Tu ahcun Archbishop Lori cu USCCB ih Pro-Life Activities thawn pehpar in hotu a tuan. Archbishop Lori cu 1951 ah, Kentucky khuapi, Louisville ah a rak suak ih 1977 ah Washington Archdiocese hrangah Puithiam cannak a rak ngah.

          A mah in bachelor degree, Master degree le Sacred Theology ah Doctorine buaih a rak ngah. A mah cu the USCCB’s Committee on Doctrine le cu mi ih biaknak lam zalennak hrangih Ad Hoc Committee ih hotu a tuan. 2002 ah Archbishop Lori cu nupa sualnak lam ih USCCB Ad Hoc Committee ah tuanvo rak pek mi a si. 2005 ihsin Order pawlkom sungtel taan 1.8 la an sungkua pawl ih thlarau lamm thatnak lam ih hruaikai dingah Columbus ih the Supreme Chaplain of the Knights ah a rak tuan. USCCB thureltlangnak sungah president le vice-president thar hrilnak le comitte ih hotu le thureltlangnak ih thu nepnawi thupibik mi vote peknak a rak um. Thureltlangnak cu Nov 17 tiang an tuah ding.

          Hi thuthang cu RVA thuthang ih kan ngah mi a si.

https://bit.ly/3EMHhCU