Pope Francis in a sungkua pawl umnak, saklam Italy ih um mi a u nu veh. November 22, 2022

Pope Francis in a sungkua pawl umnak, saklam Italy ih um mi a u nu veh.

November 22, 2022

          Pope Francis in a u nu le a sungkhat pawl cu an sungkua pawl umnak, Italy saklam, Asti ah Nov 19 ah a va leng. Pope cu Asti ah helicopter thawn a tlawng ih Nov 19 ah  cu tawk a thleng. Amah bulpaak ten a nikhat nak a tlawnnak cu a u nu Carla Rebezzana ih a kum 90 kim suahcam a si vekin Nov 19 ah Italy ram, Asti Parish, Portacomaro ah a rak tlawng.

          Rebezzana le a dang a unau pawl in sa em mi, thing thei rah tampi le Piedmontese pawl ih suncaw suan mi coca-based putin an rak timlam sak. Pope Francis in a unu ih kum 90 kim suahcem cu November 8 a si ko nan suncaw an rak ei tlang. Cui a khualtlawnnak ah Tigliole le Nella Bergoglio ih Delia Gait el in a dang an sungkhat pawl an rak tong.

          Christ the King puaini, Zarhpi ni ah, Asti Cathedral ah Pope in Mass raithawinak a rak tuah.1929 ah, Italy ihsin Argentina ih an rak thawn hlan ih a Pa, Mario Jose Bergoglio ih rak um dahnak ah a va tlawng. A nu lam ih a pi le pu pawl khal Italy sak lam ih um mi an si. A nu, Regina Maria Sivori khal mivai mi sungkua in a si.1936 ah Pope Francis cu Argentina ram, Buenos Aires ah a rak suak.

          Pope cu a pa lam ih a pi, Rosa Margherita Vassallo hnenih sin Buenos Aires ih a rak zir mi, Italy saklam ih an hman mi Piedmont hnamtong a thiam.

          Hi thuthang cu RVA thuthang ih kan ngah mi a si.

https://bit.ly/3gs6UiI