Indonesia ah 5.6 tha a nei mi linghnin ruangah mi 56 nunnak cem ih 700 luan tuamhlawm. (November 21, 2022)

Indonesia ah 5.6 tha a nei mi linghnin ruangah mi 56 nunnak cem ih 700 luan tuamhlawm.

(November 21, 2022)

            November 21 ah Indonesia ram ih nitlaknak lam Java ramthen ih Cianjur ah 5.6 tha a nei mi ling a hnin. Nauhak 40 tel in mi 56 nunnak an liam ih 700 luan tuamhlawm an siih, inn 100 luan siatral nak le leimin nak pawl khal a cang. “Mi 56 nunnak an liam ih anmah pawl cu Cianjur peng siizung ah tuamhlawm an siih mi 700 luan tuamhlawm an si” tiin National Agency for Disaster counter measure upa Suharyanto in a sim. Suharyanto in mi tampi an thi ziangruangahtile Cianjur ih inn pawl cu linghnin nak tuar thei ding khop in an hnget tawk lo tiin a sim ih, pehbet in linghnin nak cu sun ah a cang tiin a sim.

            “Himi thilthalo cu sunah a cang ih ling a hnin caan ah mi pawl cu an inn ah an um” tiin a sim. Himi thilcannak in hmailam san thar hrang zir ding asi ding a beisei. A tui linghnin nak hmun pawl cu hmailam ah linghnin do tu an si nak dingin a dil. Ram ih nikhua lam fimthiamnak, tikcu caan lam fimthiamnak le geophysics fimthiamnak ih upa Daryono in himi linghnin nak cu siatnak pakhat a si. Kiangkap pawl khal a siatsuah tiin a sim. Ling a hnin nak bik cu Cianjur a siih linghnin nak tampi in hmun tampi an siatsuah. Linghninnak pawl in himi hmun pawl siat ol dingin a tuah tiin khal a sim.

            Hi tawk hmun pawl ah linghnin nak tuletu a cang tiin a sim bet. Curuangah a tu ah himi linghnin nakin Cianjur ah siatsuahnak tampi ton asi tiin Daryono in a sim bet. Himi siatsuah nak a tuar tu pawl le linghninnak ruangih siatsuahnak pawl a tthang thei tiin sim rel thei nak a nei tu in a sim. Linghninnak ih a siatsuah bik nak Ciarjur cu Indonesia ih nisuahnak Java peng ih khuapi asiih hlanlai khualipi khal a si. Cianjur khuapi cu Jakarta in 110 km a hla ih, ram ih khualipi thawn peng 67.49 a hla. Himi thuthang cu RVA thuthang ihsin kan don mi a si.

https://bit.ly/3gpiA5Q