Christmas caan sung Mandalay Archdiocese ah thlun tul mi lamhmuhnak suah.

Christmas caan sung Mandalay Archdiocese ah thlun tul mi lamhmuhnak suah.

           Mandalay Archdiocese ih Archbishop in Tuuruun pawl hrangah lamhmuhnak a rak suah. Archbishop in a lamhmuhnak pawl ah kohhran mipi pawl dinhmun in taksa lam nuamnak timtuahnak hnak in sual thlahnak, Missa raithawinak ih telnak, Bible siarnak, Pathian thu ruahnak, thuthangtha ngainak, thlacamnak, Rosary camnak, bomnak a tul mi pawl bawmnak tivek pawl tuah dingah lamhmuh in a rak forhfial.

          Naute Jesuh a suah ding ni hngah nak ah Christmas Novena khal December 17 ah pelh lo ih tuah dingah, Christmas thuthangtha keng mi carol hla pawl sak lo dingah, nuamnak pawl hrial dingah, Christmas thawn pehpar in innsang sungih tuah mi nuamnak, ei in zuk pawl social media parih tarlang lo dingah, Biakinn pawl, Puthiam tlawng, Sr. tlawng, Biakinn khawnglawng sin pawl cei mawinak tuah lo dingah khal Parish Puthiam pawl, Sr. pawl, kohhran mipi pawl hnenah zaangfah a rak dil.

          Hi vekih zaangfah dilnak cu Archdiocese sungah ramsung ralbuainak ruangah mai inn le o tansan tu ram mipi pawl, thilri pawl meiur sak tuar tu, lon tuar tu, do tuar mi vek thawn tong rero mi mipi pawl thawn kan um tlang thu langter dingah a si tiah a sim. Mandalay cu Kawlram ih a pahnihnak tumbik a si ih Kawlram Siangpahrang pawl ih rak din mi khuapi hlun khal a si. Cu vekin Buddha biaknak pawl ih khuapi khal a si. Archdiocese sungah Catholic kohhran mipi malte lawng an um ih a tambik cu Buddha biaknak sungtel pawl an si. 2021 ih tarlang mi vek a si le Mandalay khuapi, Archdiocese sungah Catholic mipum (21346) lawng an um.

          Hi thuthang cu RVA thuthang ih kan ngah mi a si.

https://bit.ly/3OskQWI