Philippines ram ah naute Jesuh puai ni cu 2023 ah ropi zet in tuah ding. November 17, 2022

Philippines ram ah naute Jesuh puai ni cu 2023 ah ropi zet in tuah ding.

November 17, 2022

            Philippines ram in naute Jesuh upat sunloihnak an pek. Biaknak lam puai siloin rampi ih puai ti tluk in an tuah. Covid ruangih tuah ngah lomi cu a ralai ding mi 2023 ah a hlan vekin naute Jesuh ih Basilica biakinn ah an tuah sal ding thu kohhran mipi pawl hnen an thei ter. Puai ah naute Jesuh upat tu thawng tampi an ra tel ding thu, khawmzawh pawl khal Cebu khuapi lamzin pi ah an khat theh ding thu “viva pit senyor (long live the Christ Child” Christ nautev a nunkhua sau hram peh tiin thlacamnak pawl khal theih a si ding tiin an sim.

            Tuikum ih tuah ding mi timi puai cu avei 458nak a si. Puai tuahnak ih ruah ding mi thuluu cu “Santo Nino Oar Source of peace in tha walk of Faith” naute Jesuh cu kan zumnak khualtlawnnak ah remdiahnak ih a hrampi a si tiin a si. Puai tuah phah in harhdamnak thawn thlun ding mi dinhmun pawl khal puai tuah nak committee in ral ring nak an pe. Puai cu a hlan vekin mi an tam ding mi zaten an tel ter duh ruangah harhdamnak lam thlun ding mi thu pawl ralring ter duh thu an sim.

            Himi puai ah novena Missa hmanhman a um ding ih hleiah Bawi Jesuh thawn sualsirnak lamah Bawinu thawn feh in upatnak thawn feh tlang nak pawl, cui hmun ih kohhran mi pawl zummi thianghlim innsang thu pawl sim a si ding.

            Naute Jesuh ih puai ni cu January 14 a si. Puai tuah dingah Cebu ih thunei tu in khuan a pek zo thu, curuangah tuah cia ding mi pawl an tuah thok zo thu, sambaunak um lo dingin tha ten an tuah thu, himi puai tuah nak ih thu hrampi cu Ferdinanal Magellan timi in Rajah Humadon ih siangpahrng nu Junanu hnen naute Jesuh zuk a rak pek. Siangpahrang nu in cui zuk a lak hrawng ah Baptism a rak ngah nak a rei hrih lo. Cui zuk a lak nak hmun ah a lungawi tuk ah zuk pom in a lam tiin an sim.

            Naute Jesuh zuk cu thingdum thawn Flemish pungsan ih tuah a si. Letma 12 a sang. Naute Jesuh cu Spain siangpahrang ih hmuihmel in tuah a si. Himi puai tuahnak ding hmun cu Philippines ram Cebu khuapi asiih himi puai cu himi khuapi thawn a kaih aw mi puai khal a si. Cui khuapi khal thlanglam ih saingparang bawinu khuapi tiin khal an ko. Khuapi cu Manila thawn 824.5 km a hlat nak tikulh a si. Himi thuthang cu RVA thuthang ihsin kan don mi a si.

https://bit.ly/3tRx2H9