German mission riantuantu pakhat Mali ah kaih tuar. (November 23, 2022)2)

German mission riantuantu pakhat Mali ah kaih tuar.

(November 23, 2022)

          German mission riantuantu Fr. Hans-Joachim Lohre cu Mali, Bamako khuapi ah Zarhpi ni ah kaih a rak tuar. Khuapi ih hmundang ah Mass raithawinak tuah dingih tim a ruah rero lai ah a rak hlo tiin Africa riantuannak pawlkom ih thuthangca ih tarlang vekin theih a si. Kum 65 kim zo mi Fr. Hans-Joachim cu “White Fathers” ti tla ih mi theih tam zet mi Africa riantuannak pawlkom sungtel a si.

          Rome ih the General Curia of the White Fathers in Fr. Hans-Joachim a hlohnak cu Zarhpi ni ah a rak nemhnget. Mali ih palik pawl in German mission hnatuantu a hlohnak thu cu an rak tarlang. Fr. Hans-Joachim in Bamako ih the Institute of Islamic-Christian Trainging (IFIC) ah a zirh rero lai ih, the Faith and Encounter Center of Hamdallaye ih hotu khal a si. Mali ih a tuannak kum (30) hnakin a rei thlang.

          “A mawtaw saangkaa a ong aw ih mi pakhat in a do rero vekin leilung par ah keneh a um” tiah IFIC ih hnatuantu, Dia Monique Pare in a sim. Neta lam ah cekfel tu pawl in Puithiam ih Thinglamtah a orh mi a kiak mi cu a mawtaw kiangah an rak hmu. Kaih a tuar mi hrangah tu ah cun tarlang mi zianghman a um hrih lo. 2017 ah Colombian mission riantuantu Sr. Gloria Cecilia Norvaez cu Islamic pawlkom ih kaih a rak tuar ih kumli rei hnu, 2021, Oct ah an rak thlah sal.

          Hi thuthang cu RVA thuthang ih kan ngah mi a si.

https://bit.ly/3OFzWbp