Cardinal Gracias in Mizoram innsang tin ah Khrih cu siangpahrang siseh tiin sim.

Cardinal Gracias in Mizoram innsang tin ah Khrih cu siangpahrang siseh tiin sim.

November 22, 2022

            Nisuahnak saklam India ram, Mizoram khuapi ah 2022 November 18-20 tiang Mizoram ih Catholic kohhran pawl in Aizawl ah platinum Jubilee (Kum 70) kim an tuah. Atuih Cathedral a hmaisabik Christ The King Biakinn ah platinum Jubilee an tuah ih Mizoram ih Puithiam pawl an tel. Bombay ih Archbishop Cardinal Gracias cu a hleice ih khual lian asiih ni netabik ah Bishop pawl, Puithiam pawl le Kohhran mi pawl thawn lungawi thu simnak Missa raithawinak khal a tuah. “Innsang tinkim, Aizawl le Mizoram ah Khrih cu siangpahrang siseh” tiin Oswald Cardinal Gracias in a sim.

            Aizawl ih Bishop Stephen Ro Tluanga in “Mizoram ih Catholic Pawlpi hrangah a thupi zet mi thuanthu ih um tlak a si” tiin a sim.

Nithum sung tuah mi caanserh

            Platinum Jubilee (Kum 70) cu nithum sung caanserh tuah a si. Nikhat nak ah innsang nei pawl hrang Bawi Jesuh Thi le Sa cu Aizawl ah ralthatnak timi St. Lawrence Parish hall ah Mizo pawl in an tuah. Mipum 200 lai an tel ih mino, mi menmen hotu pawl, Pathian thusim tu Saya pawl, Puithiam pawl le biaknak lam thurelkhawmnak ih sungtel pawl an tel.

            A nihnihnak cu Missa raithawinak le mipi pawl hmuak nakin an hmang. Ni netabik nak cu Cardinal Gracias ih hoha nakin lungawi thusim nak Missa raithawinak thawn an thok. Cardinal Gracias in Mizo pawl ih nun daan Bawi Jesuh an naih daan a lawm ih “Nan lungrualnak, midang nan bom daan, nan pehtlaih awk daan, midang ruahnak thawn thu nan bot cat daan, nan mi zangfah nak, pehtlaih daan le thleidang ih nan pehtlaih awk lo daan pawl in in hip zet” tiin Cardinal in a sim.

            India mi midang pawl khal Mizo pawlkom daan zir an tul tiin a sim. Mino pawl umtu daan le nunau pawl ih covo khal nan upat. Cardinal in an community a lom mi cu “a fate mi Khrstian community pawl ihsin Pawlpi le a fate mi Mizo community nan nei ih, Pope Francis ih synodality in sim hlan in Synodallity thawn nan rak nung zo tiin a sim.

            Mi menmen pawl hnen hotu tiin an tel nak, an ralthatnak, mipi pawl thawn rualremnak, ram khel thu le pehtlaihnak ih an phur nak pawl ruangah a lawm. “Mizo pawl cu Pathian ih minung” Cardinal in Khristian pawlkom, pawlkom thleng nak ih hnatuan nak le mipi cangvaihnak pawl ah thusuah dingin a forhfial. Pawlpi ih zirh mi cu pawlkom thleng thatnak ah a famkim lo tla a si thei tiin ralrin nak a pe.

            Zanlam ah Cardinal le inntek Bishop Stephen Rotluanga tei in a liam zo mi kum 75 lai ih Puithiam pawl umnak ahmaisabik biakinn, Cathedral ah Missa raithawinak an hoha. Parish pawl ihsin mipi z alai an tel.

.’

Mizoram le Aizawl Biakinn Silchar Diocese

            Mizoram Kohhran pi cu 1947 April 15 ah Holy Cross Puithiam Fr.George Breen le Gilbert Bouncher tei in an rak din. 1891 March 20 ah Rev.William Williams in Mizoram ah a hmaisabik Mission rian a rak tuan. Amah cu Welsh Calvinistic Methodist Foreign Missionary asiih neta ah Welsh Presbyterian Foreign Mission tiin an thleng.

            Professor Sangkima in a cui Mizoram ih History of the Roman Catholic Church timi a rak dodal ih, Catholic pawlpi cu 1925, February 1 ah Aizawl ih Tlangnuam ih ummi pawl thawn an rak din. 1925 ihsin 1947 karlak ah Puithiam pawl in Mizoram Catholic ihsin Chittagony le anasa zet mi dodal nak ihsin provincial Government karlak ah an rak thawn.

            Aizawl ih diocese cu Silchar Diocese tiin khal theih a si. Silchar Diocese cu Cachor Hailakandi le Assam peng Karimganj, Tripurazale le Mizoram ramthen ih peng sungah a um. Apostolic pawlpi “Omnium Solicitudo” cu Pope Paul VI in 1969 January 26 ah a rak nemhngetih Haflang ram then cu Silchor ih Episoopal See cu Diocese i8h hrampi tiin an thawn. Rev. Denzil D’Sauza cu Silchor diocese ih ahmaisabik Bishop a si.

1983, December ah Cachor saklam peng pawl an Silchor diocese ihsin an then ih Diphu diocese thar thawn an zom. 1996 February 7 ah Tripura ramthen pawl cu Silchor Diocese thawn  a then khat ih, Rev.Fr.. Lumen Monteiro CSC a hmaisabik Bishop ret nak Agrtala diocese ah an thawn.

            A tanglai mi Silchor diocese cu Assam le Mizoram peng sung Cathor remthen Hailakandi le Karimganj (Barak Vally) pawl ah an tel. Silchor Diocese cu 1996 February 7 ah an then ih cumi cu Aizawl Diocese tiin an ko ih Episcopal See cu Silchor ihsin Aizawl ah an thawn. Bishop Denzil cu a hrahdam lo nak ruagnah a cawl ih, Holy Cross ih upa Lumen Monteiro cu Aizawl Diocese ih Apostolic Administrator tiin malte sung rian a tuan.

            Bishop Denzil D’Souza cu 2022 October 25 ah laksawng a rak ngah. Holy Cross Puithiam Fr.Stephe Rotluanga cu 2022 February 2 ah Mizo Bishop a hmaisaik tiin ordination a ngah. A tu ah Mizoram Pawlpi cu Parish 24 thawn biaknak lam , fimthiam nak, Pathian thu simnak le Khristian pawlkom tampi thawn an hlawhtling. Himi thuthagn cu RVA thuthang ihsin  kan don mi a si.

https://bit.ly/3OvedTy