Zarhkhat sung thuthang a tawi zawngih relnak. ( Nov 28- Dec 4)

Zarhkhat sung thuthang a tawi zawngih relnak. ( Nov 28- Dec 4)

1.Pope in St.Peter tualrawn ih inn le lo nei lo ih a thi tu pawl hrang thlacam sak

            Pope Francsi cu St. Peter tualrawn ih a thi tu Burkhard Scheffler ih a thihnak ruangah a riahsiat tuk thu sim phah in inn le lo nei lo ih a thi tu pawl hrang thla a  cam sak.

2. Pope in Pathian cu nitin kan ton mi pawl ah a  um tiin sim.

            Adventu zarhkhat nak zarhpi ni ah Pope in nitin kan nunnak ahh a fate a si hman ah Pathian kan hnen ah a um timi thei dingah a forhfial. Nitin kan nun nak ah mang ringring ding khal ah a forhfial.

3. Pope Francis in Italy ram Ischia ih tiliannak a tuar tu pawl hrang thla cam sak

            Itlay ram ih Ischia tikulh ah ruah rinlo pin nasa tuk ih a sur nak ruangah leimin in inn pawl an cim nak ruangah naute nawnfop lai tel in mi 7 an nunnak an liam. Pope in khawmzawh tu pawl hnen khalahh Ischia ih tiliannak ih siatsuah a tuar tu pawl hrang thlacam dingah a sawm.

4. Indonesia ih Christian hotu pawl in Pathian thangthat dingah le duhdawt nak um mi pawlkom din dngah technology hmang dingin forhfial.

            The Indonesian Bishop’s conference (KWI) le Indonesia ih Biaknak lam pawlkom (PGI) in Indonesia ih Christian pawl in pehtlaihnak hrangah social media pawl thawn Pathian thangthat nak dingah le duhdawt nak um mi pawlkom din in hmang thiam dingah an rak forhfial.

5. Catholic NGO in kiangkap thangphok nak thawn Run Bhopal Run timi marathon tlanzuam awknak tuah.

India ram a lai fan nak Bhopal ih Catholic NGO in November 28 ah kiangkap remthatnak thangphoknak thawn tlanzuamnak an tuah. Mipa le nuanu 150 in 7km tlan an zuam aw.

6. Magsaysay laksawng ngahtu pawl cu Nov 30 ah hybrid caanserh thawn sunloih

            Vei (64) nak, Ramon Magsaysay laksawng peknak caanserh cu Manila khuapi ih um Ramon Magsaysay center ah Nov 30 ah an rak tuah. Vei (64) nak Ramon Magsaysay laksawng peknak caanserh cu the Ramon Magsaysay Award ih facebook page le YouTube channel ihsin live an rak thlah.

7. Philippines ih St.Elizabeth ih Franciscan fanu pawl  in mi harsa pawl harhdamnak lam an tuamhlawmnak kum 25 kim hminsin nak tuah.

          St. Elizabeth Franciscan fanu pawl timi FSE in November 29 ah Philippines ih mi harsa pawl harhdamnak an tuamhlawmnak cu kum 25 a kim. Harhdamnak lam zohfel nak a phunphun khal mi harsa pawl hrang an phuan. Mi harsa nu tampi pawl hrang nau neih nak ih bawm nak khal an pe.

8. Pope in 2023 kum thok lam ah Congo le thlang Sudan a tlawng ding

            Pope Francis in Congo ram le thlang Sudan cu 2023 January 31- February 5 tiang a tlawng ding. Congo ram ah 2023 January 31- February 3 tiang a tlawng dingih, Canterbury ih Archbishop le Scotland pawlpi ih general assembly upa thawn Kinshasa khuapi ah an tlawng ding. Cuihnu February 3 ihsin 5 tiang thlang Sudan ih Juba ah khawmzawh pawl remdaihnak hrang a tlawng ding.

9. Pope zung pi in Christmas thik cu caan hrangah Pope thawn pehpar mi biakkhawmnak lam puai pawl ih calendar suah\

Christmas ni Dec 25 ah Pope Francis in sun 12:00 ah St. Peter tualrawn ah the Central Loggia ihisn Urbi et orbi thluasuah a pe ding. Dec 31 ah St. Peter tualrawn ah a liam cia mi kum hrang lungawi thusimnak a tuah ding.

10. Volunteer pawlkom pawl hrang Pope ih December thla sung thlacam tumtahnak

            Pope in December thla sung a thlacam nak ih tumtahnak ah volunteer pawlkom pawl rinum dingahh le hnan a tuan tu pawl zangfah lainat nak thawn tuan cio dingah zangfah a rak dil. Harsat caan pawl ah Pope in colunteer pawl kan tul “leilungpi in volunteer  pawl a tul” tiah a rak telh.