Bangladesh ram ih Catholic Pawlpi in zumnak bang aw lo mi khal lungrualnak, bangraannak a um thu reltlang.

Bangladesh ram ih Catholic Pawlpi in zumnak bang aw lo mi khal lungrualnak, bangraannak a um thu reltlang.

Nov 23, 2022

          Bangladesh ram ih khualipi Dhaka Archdiocese ih Christian lungrualnak le zumnak bang aw lo mi biaknak khat le khat thureltlangnak committee tawlrel mi zumnak bang aw lo nan lungrualnak le bangraannak a um thu thureltlangnak cu Nov 9 ah an rak tuah. Biaknak phunphun ih hotu pawl, tlawngta pawl an rak tel. Hi thureltlangnak ih thu hrampi cu “Interreligious dialogue for unity and solidarity in the light of different Religions” (zumnak bang aw lo mi Biaknak phunphun ih lungrualnak le bangraannak parih hmuh daan) ti a si.

          Dhaka Archbishop Bejoy D’Cruze cu hotu dinhmun in a rak tuan ih tonawknak thuhla bik le tonawknak ih motto simnak ah rak a rak nei. Hi thureltlangnak ah leitlunhuap biaknak (4) ih ai-awhtu pawl an rak tel. Thusimnak ah biaknak tinkim ih man hla zet mi thil pawl bangraannak um dingah duhdawtnak, upatnak, zumnak, theih thiam awknak, sawmdawl awknak, thatnak le a tha mi nelawknak, thureltlangnak, khat le khat hnenih zir a tul thu, thureltlangnak cu mah le zumnak bang aw lo mi biaknak lonnak a si lo. Ziangtin a um thu, a can daan tlaitluang ten simnak lawng a si. Midang hnen feh dingah, upat dingah, zapi hrangih thatnak cang ter ding mi thuhla pawl cu a dang biaknak zumtu pawl thawn reltlangnak a si. Mother Theresa cu biaknak, miphun hril lo, farah, milian ti loin a rak rian. Ziangah tile mitin ah Pathian ih hmuihmel a hmuh ruangah a si. Minung pawl riannak thawn lawng Pathian a rak rian thei. Thureltlang ding ahcun tangdor a tul. Thlarau lam mi si a tul. Kan zaten sersiam tu kan hawl. Ziangah tile sersiam mi kan si. Thureltlangnak thawn lungrualnak tuah a theih. Mother Theresa cun hi thudik cu Biaknak tinkim a rak sirhsan.

          Bangladesh ram cu biaknak tampi um nak ram a si ih remdai ten an rak um tlangnak kumhra lenglo a rei zo. Hi an rak tuah daan kel kilhim dingah cun kan mah ram mipi zate ih tuanvo a si. Curuangah biaknak khat le khat thei aw dingah, upat thiam dingin zir a tul. Hi caanserh ah tel in thu rak sim tu tinkim in remdaihnak le bangraannak a um thu cu tui dinhmun thawn tahthim in an rak sim.

          Islam biaknak ai-awh ih rak sim tu Mawlana Rahul Amin Sirajee khal in lungrualnak, remdaihnak cu Islam biaknak lam in a rak sim. Prophet Hazrat Mohammad ih thuhla le a thianghlim mi Quran ah minung cu Pathian ih sersiam mi sungin a sang bik dinhmun ih sersiam mi a si thu, mitin in remdaihnak, upatnak le lungrualnak ngah a theih thu, Islam cu remdaihnak a si thu, Islam biaknak lawng remdaihnak, thatnak thu mipi pawl lak ih sim mi a si lo. Biaknak tinkim in an sim thu, ziang vek hmun ah khuasak in, Islam ih sersiamnak theih a tul thu, Islam hrangah nun khuasak a tul thi, Islam pathian ih sersiam mi minung pawl duhdaw a tul thu, remdai ten um tlang a tul ti theih a tul thi, thudik, lungrualnak, duhdawtnak le ngaithiamnak thu an sim. Kan nih cu Islam pathian riantu kan si ih a sersiam mi minung pawl hnenah thatnak tuah a tul thu a rak sim.

          Kan nih cu kan nunnak le thlarau upat a tul. Mitin le ramsa pawl in nunnak kan nei. Milai cu a sang bik dinhmun ih sersiam mi kan si. Curuangah khat le khat leh a dang sersiamnak sunsak thiam a tul thu, minung zate hrangah a si thu Sreemot Shrodhanand Thero in a rak sim. Buddha biaknak cun kan zaten remdai ten, rualrem ten, a dang biaknak khal upat in duhdaw ten um dingah a zirh thu, hi mi pawl a tak tak in a dik mi tidaan ruah a si le leitlunhuap remdaihnak din dingah a daih mi dinhmun a si thu, thinlung a thianhlim le kan hnatuan pawl khal a thianghlim. Cu tikah remdaihnak a um ding thu Sreemot Shrodhananda Thero in a rak sim.

          Hindu biaknak ai-awh in Dr. Dilip Kumar Ghosh in biaknak cu remdaihnak le bangraannak umnak, minung dinhmun in famkim ten khuasak ding a thupit thu, kan zaten Pathian pakhat kan zum ko nan hmin bang aw lo in kan kawh thu, Hindu biaknak ah midang pakhat ih nu pa khal mai nu le pa vekin, midang ih fapa khal mai fapa vekin siseh, huatawknak le duhhamnak thinlung cu thal vekih hlonhlo  ding ah a zirh thu, cu lawngah a thuk mi remdaihnak ah kan khuasak thei ding thu, Hindu biaknak dinhmun in midang pawl ih biaknak lawng upat mi a si lo. Thudik a si ti khal ih a cohlan thu, a zaten Pathian hnenin a ra. Duh mi le thlacamnak cun thihnak ihsin in nun ter sal thu, khuathim in tleunak ah, palhnak in thudik ih in thlen ter thu sim phah in hi thuhla a ngan mi pathian hla pakhat a phuaih in thangthatnak hla an rak sak.

          Biaknak hotutinkim ih simrelnak ah remdaihnak ih thilcang mi le bangraannak umnak a rak sim vekin an mai biaknak in ziangtin a zirh, a dang biaknak ziangtin ruah a tul ti pawl a rak sim Lungrualnak cu biaknak khat le khat thureltlangnak caanserh hlo lo in tuah sinsin dingah a si thu upatnak thawn a rak sim. Biaknak lam hotu pawl dinhmun in zumnak, upatnak, sersiam mi le minung pawl duhdawtnak ken a tul. Biaknak ih manhlat zia cu a bang aw lo mi ramkhel mi ipawl, acozah hnatuan pawl, sumdawnnak hnatuan tu pawl, innsang sungah khal biaknak thupi daan sim dingah a thupit thu, cu lawngah remdai mi leilungpi siseh, a mawi zet mi Bangladesh tuah a theih ding.

          Hi thureltlangnak ih tel tu pawl sungin RNDM Sr. pakhat a si mi Sr. Reba Veronica D’Costa in biaknak tinkim cun cite vekin a al mi in pek. Biaknak lam hotu pawl dinhmun in Bawi Jesuih a rak sim vekin leilungpi cu a al nak le tleunak pe dingah kawhnak ngah mi a si. Biaknak lam hotu pawl in cite vekin man hla mi ziaza cu milai nunkhuasaknak tin ah cite vekin hlawm a theih. Kan nih biaknak lam thawn pehpar in midang pawl ih biaknak siatsuahnak vek cang ter lo dingah a hleice in sim a tul thu a rak sim. Tu ahcun ram sungah biaknak khat le khat thureltlangnak cu remdaihnak le rualremnak um dingah ram hangah siseh, leilungpi hrangah siseh a thupi tuk. Curuangah ramsung ih zumnak bangt aw lo mi hotu pawl dinhmun in ram ih remdaihnak le lungrualnak upat in ruah ter a duh.

          Hi thureltlangnak ah Islam, Hindu, Buddha, Christian biaknak phunphun in (72) an rak tel.

          Hi thuthang cu RVA thuthang ih kan ngah mi a si.

https://bit.ly/3uwQ8Th