Bangladesh phunsangtlawng ih tlawngta pawl in plastic hnawmbal pawl thianfai dingah pumpe in tuan nak nei.

Bangladesh phunsangtlawng ih tlawngta pawl in plastic hnawmbal pawl thianfai dingah pumpe in tuan nak nei.

            Bangladesh ih Rajshchi public University ih tlawngta pawl in December 9 ah St.Martin tikulh ih tikap pawl ih plastic hnawmbal pawl thianfai nak an nei. Himi volunteer hnatuan cu phunsang tlawng ih buaih ngah zo mi phunsangtlawng ih Mass communication pawlkom le tikulh kiang saklam tikap ih khualtlawng pawl in tubai te ih an tuah nak a si.

            Tlawngta 16 in himi cangvaihnak ah an tel. Himi St.Martin tikulh ih thianfai nak cangvaihnak ah cutawk hmun ih nauhak pawl le tikap ih a vak mi mino pawl khal in phur zet in tlawngta pawl an bawm ve. Himi an tuah nakih tumtah mi cu khualtlawng pawl in plastic balhnak hmu thiam dingah le tikap le thli thiang ter dingah a si. Mass communication pawlkom le thuthang la tu tlawngta pawl in St.Martin tikulh ih khualtlawng dingah tumtah nak an nei. Himi cu Sazzad Bokul department professor ih hoha nak in a si.

            Himi thianfai nak ih an tuah mi cu bag tampi 7 thawn hnawmbal pawl polythene bag tumpi thawn le tipi ihsin a luang mi tikap ih ummi plastic dawng pawl an khawm. Professor Sazzad Bokul in “St.Martin tikulh cu Bangladesh ih pakhatl lawng asimi tikulh asiih, himi ram hrangah laksawng a si. A liam zo mi kum 20 lai ah himi ah tipi sungih ummi lungto pipi le tidai ramsa pawl tampi a rak um. Asinan khualtlawng pawl ih plastic hnawm le a dang thilri pawl in tikap an siatsuah ih tipi sung ih ummi thil tampi kan caan” tiin Professor Bokul in a sim.

            “Tikulh ah tipi sung ummi lung to tumpi 147, 101 ci a phunphun a siat zo. Cuihleiah himi tikulh ah plastic hnawmbal le a dang tampi in tikulh kiangkap an siat ter rero” tiin Professor Sazzad in a sim. “Himi thianfai nak tuah nak in St.Martin tikulh kap ih khualtlawng pawl le mi pawl in tikap ih thil thiang ngah nak ding a thupit thu an thei ding” tiin professor Sazzad in a sim.

            Professor in kiangkap ah bangran ten kilkhawi nak nei dingah a ruah san. St. Martin tikulh cu a danglam zet mi ti thiang le a thiang mi van thawn a mawi zet. Himi tikulh cu Bangladesh ih khualtlawng pawl hrang a mawi zet mi pakhat a si. Asinan ram ih neih sun tikulh ih mawi nak cu ram mi le ramdang ih kumtin khualtlawng ltu pawl in an siat ter. Tuini ah khualtlawng pawl ih plastic hnawmbal pawl le a dang hnawm pawl in tikulh an siat ter.

            St.Martin tikulh cu tikulh fate a siih, saklam Bengali ih Bay ihsin 8sp.km hrawng asiih, thlanglam ih Cox’s Bazar Teknaf peminsula ihsin 9km, Bangladesh saklam deng ah a um. Chhera tiih kawh mi tikulh then mi thawn a nai te. Kawlram ih Naf tiva ih nitlak nak saklam thawn 8 km a hla. British sanlai ihsin himi tikulh cu St.Martin tiin an ko. Cutawk hmun ah cun “Narical Gingira” tiin an ko ih, “Narikel Jinjra/ Jinjera” tiin khal an ngan. Asan cu Bengali tong in “Coconut Island” tiin le “Daruchini Dip” tiin san a nei. St.Martin tikulh cu Bangladesh ah a lar zet mi ah a cang. Himi thuthang cu RVA thuthang ihsin kan don mi a si.

https://bit.ly/3W7ObrS