Kyaing Tung Diocese Bishop thar ngahnak puai hlawhtling ten tuah.

Kyaing Tung Diocese Bishop thar ngahnak puai hlawhtling ten tuah.

          Kyaing Tung Catholic Bishop hotu thar John Saw Yawhan ih Missa sumnak caanserh ih thleng tu Cardinal thawn Bishop pawl, Msgr. pawl, Puithiam, Sr., Bro. pawl cu Dec 13, puai hmuah ni, sun hrawng ah vanzam thawn an thelngih Bishop thar John saw Yawhan le tuanvo neitu pawl Kohhran mipi pawl in cin le daan vekin pangpar kual pawl an orh ih lungawi sopar ten an rak hmuak.

          Kyaing Tung Catholic Pawlpi hrangah Bishop thar pakhat ngahnak cu an lungawi zet ih khatlam ih lawng ter lo dingin zuam zet ih ap aw tu Puithiam, Bro., Sr. pawl Kyaing Tung Diocese ih nubu, pabu pawlkom pawl, mino pawl le committee phunphun in tikcu pe in zuamzet ih an tuahnak khal hmuh a theih. Yangon ih rat u khuallian pawl hrangah vanzam veihnih an rak to ih vanzam neitu kohhran innsang a si mi U Richard, Daw Pi aa pawl in airport ih luhsuahnak cin le daan vekin timtuah cianak pawl thawn airport VIP hmuahnak ah tha ten an rak timtuah sak.

          Biakinn luhnak ah an nunphung thuam pawl thawn zoh khop lo tluk in Akha thuam pawl hruk tu mino pawl in an rak hmuak ih Biakinn sungah an rak hruai.Biakinn sungah hmuahnak caanserh rei lo te an rak tuah ih KyaingTung Diocese Puithiam pawl ih choir hlarem siseh, Fr. Stephen Aa Nyui le Diocese ih tuanvo neitu, Fr. Peter Aa Nui pawl in hmuahnak thuhla an rak sim vekin Cardinal khal in a thinlung sungih um mi sim dingih a rak dil ruangah Cardinal in Yangon Diocese in thluasuah co mi vek a si ih a lungawi thu le Yangon le KyaingTung cu sungkhat an si thu nel aw ten a rak sim. Hi mi theh hnu ah Bishop pawl ih thluasuah peknak thawn suncaw an rak hil tlang.

          KyaingTung Diocese hotu Bishop thar John Saw Yawhan cu Diocese thar ih tuanvo la dingah KyaingTung Diocese ah 2022, Nov 24, zaanlam nazi 4:20 pm ah KyaingTung ah a thleng suak zo. Dec 14, 8:00 am ah Missa Sumnak caanserh an tuah ding.

Hi mi thuthang cu RVA Myanmar in kan ngah mi a si.