Aropi mi minung covo laksawng cu India Catholic Puithiam pe.

Aropi mi minung covo laksawng cu India Catholic Puithiam pe.

          Avei 12 nak 2022 minung covo thurelkhawmnak cu December 10 ah an tuah ih “Remdaihnak le thuthang remnak a lang sar mi Ambassador laksawng” cu India Catholic Puithiam Fr.C.M.Paul, SDB an pek. Himi thurelkhawmnak cu International Human Rights ni ah New Delhi, Lodhi lamzin, India Islamic Centre ah India mi zate ih covo, zalennak le thudik hrang an tuah nak a si.

          Fr. Paul cu a tu ah Radio Salesian (90.8FM) ah director tiin le India nitlaknak lam Bengal, Silliguri ih Salesian college hotu bawm tu tiin a tuan. Kolkata ih Catholic zarhtin thuthan nak “The Herald” khal ah kum reipi hna a rak tuan.

          Himi a sunglawi mi laksang a lak lai ah Salesian Puithiam ih a simmi cu “himi laksawng cu thudik a co lo tu le minung covo hmuhsuam nak a thup ten a tuar tu zate ta a si” tiin a sim. Thudik a ngah lo tu le minung covo hmuhsuam a tuar tu pawl hnem dingin an aw midang ih thei dingah tuah dingin a forhfial.

          Fr. Paul in a hlan ih a dang laksawng a ngah mi pawl cu, 2008 ah John Barrett Best Report laksawng tiin Indian Catholic Press Association (ICPA), 2010 ah Poland ram ih Warsaw ah International Catholic film festival ah Gospel thuthangtha hrang thuthang hnatuan tu le 2006 ah thuthang hnatuan nak ih thiam hleice Ambassador of Jesus laksawng (AFJ) pawl a ngah. Fr.C.M. Paul in thuthang hnatuan nakah zalennak um dingah bawm nak khal a rak pek. Himi thuthang cu RVA thuthang ihsin kan don mi a si.

https://bit.ly/3BFf7rs