Singapore ih Cardinal in a nunank cemtu Pope Benedict XVI sunloihnak pek

Singapore ih Cardinal in a nunank cemtu Pope Benedict XVI sunloihnak pek

January 3, 2022.

          Singapore ih Cardinal in January 2 ah Pope Benedict XVI sunloihnak a pek. "Kanmah pawl cu 2022, December 31 zarhte ni ih in tan san tu Pope Benedict ruangah kan riahsia" tiin Cardinal William Goh Seng Chye in a sim. Singapore Cardinal in Pope hrang Pathian hnen ah Puithiam, Bishop le Pope tiin rian a tuan nak ruangah a sunloih.

          Cardinal in "Amah cu a fim nak le a thiamnak ruangah milar a si. Zingzoi lam duh zet tu asiih, pawlkom, kohhran le leilungpi ih ton rero mi pawl hmainor in pahsuak ringring tu a si" tiin a sim. Singapore kohhran hotu in Pope Benedict cu kanmai sanlai ah prophet le thuruat thiam taktak a fimnak le a theih nak pawl cu a hman in tleu taktak mi a si. Amah cu mifim, mithiam le thuruatthiam zet a si.

          Cardinal Goh in Pope Benedict cu a fiangfai zet mi a cangan mi le a ruah mi pawl ruangah a tha bik mi philosopher le theologian asi tiin a ngamhnget. Pope Benedict cu thazet in le theology thansonak le Roman Catholic Orthodoxy foundation ciar ruangah hril a si. Cardinal in pehbet in Pope Benedict cu the doctrine of the Faith congregation ih mithiam zet, Pope John Paul II khal Kohhran ralthatnak lam ih thuthen nak lam ah a bawm ih "Kohhran ih ralthatnak cu a thar ringring a hman ringringding" tiin a sim.

          Singapore kohhran ih hotu in kohhran ih in zirh nak pawl a hman le a tha zet mi a thuruah thaim nak hram thukzet in in bun sak tu a tha zet mi theology mifim in pek ruangah Pathian hnen lungawi thu a sim. "Kumkhua hahdam ten Pathian hnen col in le Vancungram ah Bawi pathum Pathain thawn um thei dingah" Cardinal Goh in thla a cam. Cardinal William Goh in January 5 ah Singapore tikcu caan 1:15pm ah The Good Shepherd Cathedral ah Pope Benedict XVI vui nak Missa a tuah dingih live khal youtube  www.youtube.com/catholicsg in thlah a si ding.  

          Mi raltha pawl Pope Benedict XVI hrang thlacam dingah le an thlacam sak nak an riahsiat nak pawl cu Good Shepherd Cathedral ih sangkaa pi ah January 3, tlawngkai ni hnih 12pm ihsin January 5, tlawngkai nili 7pm tiang an ret ding. Himi thuthang cu RVA thuthang ihsin kan don mi a si.

https://bit.ly/3ie7amu