A cawl zo tu Philippines Bishop Benjamin a kum 92 ah nunnak cem.

A cawl zo tu Philippines Bishop Benjamin a kum 92 ah nunnak cem.

           Camarines Norte, Daet Diocese ih kum 92 asimi Bishop Benjamin J.Almoneda cu January 6 zanlam ah Philippines ih Manila siizung ah a nunnak a cem.

           "Riahsiat nak tumpi thawn, Daet Bishop Benjamin J.Almoneda D.D., in tuizan ah in liam san timi kan lo theih ter. Tuini cu Bishop a sinak kum 33 anniversary khal a si. Thuhla dang pawl cu a cang thei tawk in zamrang ten kan lo theih ter ding. A thlarau hrang thla kan cam" tin Daet Diocese ih facebook in a tarlang.

           1958 ah Puithiam cannak a ngah ih, Caceres Archdiocese ah thlarau lam lamhmuhtu, rector le Parish Puithiam tiin rian a tuan. 1980 ah Rome ih Pontificio collegio Filippino ih rector tiin tian autan. Bishop Almoneda cu 1989 December ah Daet ih Bishop tiin khaisan asiih 1990, January 6 ah St.John Paul II in upa sinak a pek.

           1991 ah Diocese kel thotho ah Pope Benedict XVI ih a colh nak ding a pom tiang cunah rian a tuan ih, 2007 April, a kum 75 ah a cawl. Amai san laiah Bishop in Daet Diocese cu Pathian thu karhzai ter nakah a rak hoha. "Kan duhdawt zet mi Bishop Benjamin Almoneda D.D ih thlarau hahdam ten cawl in le na tleu nak a par ah tleu hram seh. Pathian tang ah cawl hram seh, Amen" tiin Daet Diocese in social media ah an tar lang. Himi thuthang cu RVA thuthang ihsin kan don mi a si.

https://bit.ly/3WXk7A5