Bangladesh ram Catholic Pawlpi ih Caritas in mi farah pawl hrang thuamhnaw zem.

Bangladesh ram Catholic Pawlpi ih Caritas in mi farah pawl hrang thuamhnaw zem.

           Bangladesh ih Caritas, Catholic Kohhran ih social cangvaihnak in an ram ah a tu laifang ih harsat tuar mi thawng tampi hrang thuamhnaw an zem. Dinajpur Caritas zung in mi harsa 1,081 hrang blanket puanhlum 1500 an hlu ih, Dinajpur Catholic Diocese khal in a dang tampi blanket khal an hlu.

           An ram ih ram then pathum Dinajpur, Rajshahi le Sylhet hmun pawl ah Caritas in blanket 3,500 lai an hlu. Dinajpur Caritas ih director Ronjon John Paul Rozario in "a tu khua sik caan ah, mi harsa pawl ahleice in kum upa pawl in an tuar hleice ih Bangladesh ih Caritas in an kiang nai ah kan din pi" tiin a sim.

           RVA ih a sim nakah kum upa pawl in blanket pawl cu anmah hlum awk nak lawngah hmang lo in an tuu pawl hlumnak khal an pe. "An fa mino pawl thawn pehtlaihnak tha nei dingin kan kilhim tiin Puithiam in a sim ih anmah pawl in hmailam san thar hrang thil tha an hawl tiin a sim bet.

           Kum 16 mi mipa Abu Bakker Siddique in "himi blanket ka nu ka pe ding. A tar tuk ih ka kilhim thei fawn lo. Himi blanket thawn cun a it thei ding" tiin a sim. Abu Bakker cu motorcycle tuahnak ah hna a tuan ih  nikhat ah 25takas a ngah. January thla sung, thli dai cu an ram hmun kip ah a hrang ih, mipi pawl hnatuan dingah a dawn kham. Thli in a dai a ti luar ih nat khal a keng tiin an sim. Himi thuthang cu RVA thuthang ihsin kan don mi a si.

https://bit.ly/3XgWAtR