Hmaisabiknak Mandalay Archdiocese ih “Calvary Prayer Hill” Archbishop in thlasuah pek.

Hmaisabiknak Mandalay Archdiocese ih “Calvary Prayer Hill” Archbishop in thlasuah pek.

          Hmaisabiknak Mandalay Archdiocese ih ‘Prayer Hill’( thlacamnak tlang) cu thluasuah pek a rak si ih Myanmar, Chin Nyaung Pin Thar, St. Theresa Parish ah, Jan o1 ah Archbishop Marco Tin Win in caanserh thawn onnak a rak tuah. Hi Archdiocese ih ‘Prayer Hill’ cu “The Calvary Hill” tiah an ko. Archbishop in kumthar Missa Sumnak cu Parish Puithiam Fr. Leo, Fr. Dominic Jyo Do, Fr. Olivier, Fr. Patrick Win Lwin Htun le Fr. Peter Soe Thu le Calvary Hill ih san biknak ah zinglam nazi 8:00 am ah Thinglamtah thluasuah peknak an rak nei. The Calvary Hill leiram hlutu pawl le Nyaung Pin Thar kiangih upat tlak zet mi zuk pawl le Missa Sumnak le Thinglamtah thluasuah peknak caanserh onnak ih ei in a hlu tu pawl an rak tel.

          Thinglamtah langsar ternak timtuahnak cu March, 2022 ah an rak thok. Mach 7 ah Thinglamtah retnak ding hmun an rak tuah ih cui ni thotho ah Fr. Leo in Thinglamtah thluasuah a rak pek. Rev. Fr. Leo in, “hi tlang ih ka rat tikah, tlangpar ih thlacam a si vekin cu mi ah ka thinlung ka bun ih cu mi din dingah hna a rak tuan. Hi Prayer Hill tuah thei dingih thluasuah peknak pawl ruangah Pathian hnenah ka lungawi. A hlutu pawl le khua mipi pawl hnenah khal ka lungawi,” tiin RVA ah a rak sim.

          Calvary Hill tlangpar fehnak lampi ‘The Way of the Cross stations’ pholangnak ah Nyaung Pin Thar ih Catholic pawl lawng si loin Buddha pawl tla an rak tel. Netabik ah, March 30, 2022 ah Thinglamtah cu hlawhtling ten pholang a rak si. The Calvary Hill ih leiram acre 9 cu innsang 8 ih rak hlu mi a si. Tlangzim ih zuk 8 pawl cu innsang 8 ih hlu mi an si.

          Calvary parih Thinglamtah retnak ih tumtahnak cu thlacam dingah, Bawi Jesuih Thinglamtah lampi ih Pathian thu ruahnak thawngin sunglam remdaihnak ngah dingah le cui hmun ih Catholic umnak teette khaan dingah a si.“The Calvary Hill” leiram hlutu ih tel ve mi Salai U Gabriel in “Puithiam pawl in Calvary Prayer Hill dinhmun in cui hmun tuah ding tumtahnak an nei ti Bishop hnenih ka theih tikah, ka nu le pa Nicholas U Hla Maung le Lucia Daw Khants hnenih sin ka rak ngah mi rothil cu an thlarau hrangah tumtah in leiram hlunak ih tel ka rak duh ve. Leiram ka hlu hnu ah thlacamnak tlang tuahdingah thil ka tuah rero ih cu mi thu ah lungnomnak ka tep,” tiah a rak sim.

          Volunteer ih tel ve mi Salai Kyaw Lwin in lo ih a hnatuan mi ah thluasuah a don thu le lo hnatuan a buai tuk ko  nan thlacamnak tlang ah zarhkhat veithum an apawknak ruangah hlawhtlinnak a ngahnak a si thu a rak langter.Tlang ah “Our Lady  of Sorrows, Pieta” zuk hlutu Salai Bo Lwin le thlacamnak tlang committee tuahnak ih hotu in “mi tinkim in zuk hmai ah an harsatnak pawl hlon dingah tlangzim ah an ra thei thlang. Bawinu Maria thawn Rosary an cam thei ih Pathian hnenah zaangfah an dil thei,” tiah an rak sim.

          Hi thuthang cu RVA thuthang ih kan ngah mi a si.

https://bit.ly/3GJhcEq