Nigeria ram nitlaknak saklamah Catholic Puithiam pakhat nung cingin meisa thawn ur tuar.

Nigeria ram nitlaknak saklamah Catholic Puithiam pakhat nung cingin meisa thawn ur tuar.

        Nigeria ramsak lamah January 15 ni ah Catholic Puithiam pakhat a nungcingin meisa thawn ur a tuar ih a dang pakhat khal meithal thawn kah that a tuar. Niger State Kafin-Koro khuaah an mai tikcu caan 2:00 hrawngah misual ti kawh mi hriamhrei kai pawl in cui Puithiamih inn meisa an ur thu palic sungih simrel theinak a neitu Wasiu Biodun in a sim.

        Fr Isaac Achi inn cu meisa thawn an rak ur. Vansiat nakah inn an rak ur ih puithiam khal a nungcingih ur a rak tuar. St.Peter le Paul Biakinn a kang mi an zoh sal tikah Fr Isaac Achi ih ruak  cub Jan 15 ah an hmu tiah Minna Catholic Diocese ih simnak in thei a si. Fr Collins Omeh cu a tlan man ih meithal ih kah ngahnak ruangah siizungah tuamhlawm lai a si.

        Cuihnu nazi a rei deuh hnu, tuahmawh nak pakhat ah misual pawl cu nitlaknak saklam ih Dan Tsauni (Kankara district) ih inn pakhat ah an lut ih a kiangih biakinn ah zarhpi ni khawm ding tim a tuah rero tu minung 5 an kai ih an hruai. Misualpawl in minung 5 an kai ih puithiam pakhat cu meithla thawn an  kah that hnuah an kaih mi panga thawn an tlan tiah cui ram then ih palic Gambo Isa in AFP ah a sim.

        Nigria ih thu neitu Alhaji Sani Bello Abubakar in hi mi do tuarnak cu thu dik um lo, minung bang lelo ih tuahmawhnak a si tiah a dem ih hi mi dotu kai dingah humhimtu pawl agency pawl lam a hmuh thu khal daily post ah a tarlang. Puithiam pakhat hi ti ih thahnak cu kan ni khal kan him nawn lo ti alang, tuahmawh tu pawl an mah khal beidong in mithahnak cawl dingah nasa zet in thupit a tul thu Bello in a sim.

       Hi  mi puithiam a thih lai ah st. Peter le Paul  Catholic Biakinn ah hna a tuan lai tak a si ih cui hlei ah Christian Association of Nigeria (CAN) pawlkom ih chairman khal a si. Minna Diocese in Nigeria Catholic network ah Fr Achi le zumtu pawl ih thlarau kumkhua nunnuam ram ah cawl hram hai seh tiah an tarlang. Ramsung ih tuahmawhtu pawl "bandits," ti ih mi theih tam mi pawl ih tumtah mi cu theih a si lo. Jihadis pawl cu Nigeria saklam Muslim ram saklam ah caliphate ( cozah tangih uknak ) pakhat din dingah kum 14 zikte ral an rak do.

https://bit.ly/3XDHdeW