Nepal ih kumtam bik Jesuit missionary a kum 90 ah nunnak cem.

Nepal ih kumtam bik Jesuit missionary a kum 90 ah nunnak cem.

          Nepal tlawngta pawl thuzirh le Tamang mi pawl hnen Christian zumnak rak zirh tu kum 90 asimi Fr. Casper J Miller cu Nepal khuapi Jawalakhel, Lalitpur, Kathmandu ah January 15 ah a nunnak a cem. Nepal ah 1958 ihsin a thih tiang rian a tuan. Nepal Jesuit society in Fr. Casper cu "Fr. Cap" tiin an ko. Lilitpur, Jawalakhel ih St.Xavier Jesuit community ah January 15, 2023 zanlam 3:00 pm ah a nunnak a cem.

          Vui nak caanserh cu Kathmendu ih Dhobighat Assumption Biakinn ah January 16 11:30am ah an tuah. Vuinak missa theh ah Teku ah a ruak an ur" tiin Nepal Jesuit society in an sim.

          Amai tlawngta Chirendra Satyal in "amah cu mithianglim vek rori in Catholci missionary ih tuah tul mi zaten a tuah theh. Amai sanlai ah cun Pathian thu phuang tu a si" tiin a sim. Fr. Casper J Miller SJ cu 1933 December 13 ah US ih Ohio Cleveland ah a rak suak.

          1951 September 2 ih Jesuit ih a luhnu in 196i4 March 29 ah Puithiam cannak a ngah. Fr. Cap cu Nepal ah a hmaisabik Anthropology ah PhD a rak tuah tu a si. Nepal ih Tribhuwan phungsangtlawng ah a mai hmuhsuak mi ca pahnih cu "Faith healer in the Himalaya" (MA) le "Decision making in Village Nepal" timi a si. Himi hmuhsuak nak in Fr. Miller hmun a phunphun ah harsat nak tampi a tong.

          Fr. Casper J Miller S.J cu milam hruai tu, cangan tu, thusimtu, tlawng saya, ruahnak pe tu le piano tum thiam zet khal a si. Nepal tong a thiam zet ih Nepal hlanlai biazai pawl a rak ngan. Nepal ih social Antropology zirnak ah mai huamnak thawn innsang ah classic awnmawi pawl a rak zirh.

          A rak cangvaih thei lai ah Fr. Cap cu 1967 – 1969 tiang Jawakhwl ih St. Xavier tlawng 1969-1975 ah Godavari ih St.Xavier tlanwg uktu tiin rian a tuan. Cuihleiah 1976-1987 tiang Human Resource Development and Research Center ah ca ngan tu tiink hal a tuan.

          A tar vivo vekin Maitighar ih St.Xavier college ah a lut ih 2018 a kum 85 ah tlangta pawl ruahan pe tu a tuan. Milam hruai tu, cangan tu, thusimtu, tlawng saya, ruahnak pe tu le piano tum thiam zet Fr. Cap cu Dhading peng sung Catholic zate lak ah piano tum thiam bik tiin kan mang ding. Himi thuthang cu RVA thuthang ihsin kan don mi a si.   

https://bit.ly/3QHaVh7