Pope in DR Congo ih Pentecost biakinn do an tuar nak ruangah a riahsiat nak lang ter.

Pope in DR Congo ih Pentecost biakinn do an tuar nak ruangah a riahsiat nak lang ter.

          Pope Francis in DR Congo ih Pentecost biakinn do an tuar nak ruangah a riahsiat nak a lang ter. Pope Francis cu DR Congo ah January 31 ihsin February 3 tiang tlawng dingin timtuahnak a neiih, tuahmawhnak pawl khal a um deuhdeuh ih nunnak cem le hliamhma tuar nak pawl khal a um, a hleice in Africa nisuahnak a laifangnak ah a cang.

          Tuilai ih a cang tam bik mi cu, zarhpi ni ah Kasindi khuapi ih ni suahnak ih Pentecost biakinn bomb thawn siatsuah a si. Biakkhawmnak nei tu thawng tampi cu Baptist community ih sungtel thar tiin an khawm aw. Biakinn hmuan sungah lungto a buak ih a mal bik mi 14 an thi ih 40 hnakih tam hliamhma an ngah.

          Himi ah Islam pawl ih tuah mi rori asi tiin an sim ih, Congo ralakp pawl cun Allied Democratic Froces (ADF) ISIS pawl an puh mawh. Tlawngkai nihnih ah a telegram ah bomb buakih harsat tuar pawl hrang a rishsiatnak a lang ter. Secretary Cardinal Pietro Parolin in telegram ah Congo ih Christ biakinn ih President Rev. Andre Bokundoa Bo Likabe hnen a kuat.

          Pope in "Kasindi ih Pentecost biakinn do tuarnak ih nunnak cem tu mawhnei lo mi pawl ruangah a riahsiat thu a sim. Himi tuahmawhnak ruangih riahsia tu innsang pawl thawn nai te ih a um thu a lang ter. Pope in nunnak cem tu pawl cu Pathian hnen ah a hlan. Pope a telegram ih thla a cam sak mi cu "Bawipa himi ruangih a tuar tu pawl cu hnem hram aw tiin le remdaihnak thluasuah pe dingin" thla a cam sak. Congo ah kum tampi tuahmawhnak an tuar ih an ram hrangah ralkap 120 luan in cangvaihnak an nei. UN ih an simnak vekin mi thawng ruk lai cu hi tuahmawhnak ruangah an tlan ih rilrawng in an um tiin an sim. Himi thuthang cu RVA thuthang ihsin kan don mi a si.  

https://bit.ly/3IYuOhW