India Catholic Puithiam cu asualmi puhmawhnak ruangah kaihtuar.

India Catholic Puithiam cu asualmi puhmawhnak ruangah kaihtuar.

          Jhabua ih Catholic Diocese ih ummi Fr.Joseph Amudakani cu India ramlai Madhya Predesh pengsung Jhabua, Thandla ah January 18 ah a hman mi lo puhmawhnak thawn kaih a tuar. Fr. Amuthakani cu Unnnai Parish ih Parish Puithiam a si. Tlawngkai nithum 10:30 am hrawngah Bhavudi khua ah sister pakhat le Pathian thu sim tu saya pakhat thawn a hlan vek thotho in Missa raithawinak tuah dingah an feh. Missa tuah theh ah tlung sal dingih an timtuah rero laiah Hindu ruahnak luar pawl in Missa le Rosary pawl an rong long ih an tlan. Cuthehin an au ih an dawn ciomco.

          1:30 hrawngah Thandla khuapi ih palikpawl an ra ih Fr.Amathakanmni an kai. Fr.Amuthakani an kai timi thuthang a kaih veten, Christian thawng tampi brother, sister le thinlung tha nei mi pawl tel in palik zung ah an khawm aw tiin PRO Diocese ih Fr. Rocky in a sim. Cuvek thotho in MLAs mi pathum le mifimthiam deuh pawl, pengsung ih mi a hrek tluk an feh ih Fr.Amuthakani suah cih dingah an dil. Mi raltha Christian thawng tampi biaknak hmuahmuah pawl Jhabua ah an feh ih cuvek thotho in Thadla khuapi ih zungpi ih Puithiam an kaih nak ah an feh ih Fr. Amathakani cu 7pm hrangah zianghman tuahmawhnak umnak lo in a suak.

          Mi pawl cu lungawinak in an khat. Mi raltha pawl hmuahhmuah Thandla Biakinn hmai ah hlasak phah le sunloih phah in an khawm aw. Social media ih video an tar mi in an puhmawh nak a sual timi a lang tiin CCBI nunau pawl hang commission ih Sr. Lidwin UFS in a sim. Puithiam cun Missa raithawinak cauk le rosary a keng.

          Thuthang cu social media a  karh cih. Mitampi in Pathian hnen ih lungawi nak le Christian pawl lungrual dingah an lang ter. Christian pawl lungrual  nak zarh ah tuini kan ram ah thlarau thianghlim taktak ih lungrual nak a lang tiin Sr.Lidwin UFS in a phuang. Himi thuthang cu RVA thuthang ihsin kan don mi a si.

https://bit.ly/3iQ4qfq