RVA Tamil Service in Harvest puaipi Pongal tuah.

RVA Tamil Service in Harvest puaipi Pongal tuah.

          Pongal puai cu January 15 zarhpi ni ah India ram Tamilnadu ah phur zet in an tuah. Pongal cu harvest puai asiih Tamil pawl ih thluasuah a ummi thla ih ni hmaisa bik ah an tuah. Thai Pongal tiin khal an ko ih ni li sung tuah mi a si, Tamil thla Maargazhi ih ni netabik ihsin thai thla ih nithum tiang an tuah. RVA Timil service pawl khal Mamilnadu, Kadambathur ih um St.Mathew biakinn ih tuah mi ah an tel ve ih Parish Puithiam Fr.Arul Jesudoss le Parish mi pawl an tel.

          Missa raithawinak cu Fr.Maria Delasal Viswas in a hoha. Missa tuah hlan ah mi pawl in biakinn hmai ah pongal tuahnak an nei. Ahleice in himi hi Missa ih an hlan bik mi a si. Missa tuah theh ah a cuangce mi program pawl le game pawl cu mino, nauhak le parish ih um mi pawl thawn an tuah. Tuah daan kel vekin Pongal cu Hindu pawl ih puai asiih biakkhawm in an pathian ni Surya hnen ah tha mi harvest le ahmaisa bik an sang vut a hnen ah an hlan. Tuisan ah a tuah bik mi cu rawl suang in lungawi ten pongal an hlawm aw ih, sangvut thawn tuah mi le cini, cawhnawi le thil dang pawl a burbur in an ei.

          An sian nak langter dingah, fang thar cu bel thar ah an suangih a so in caw hnawi, Ghee, jiggery le cardamom pawl an rawi. Tamil tong in Ponga ih san cu "so zet le liam thluathlo" an thilri neihmi pawl liam ti duh mi a si. Christian pawl khal in an tuah daan kel an nunphung khat le khat le biaknak khat le kaht thawn an tuah ve ih Pathian hnen ih lungawi thusimnak le a thil tuahmi le minung pawl ih thatuan nak pawl man ret nak a si.

          Zuamnak pawl cu Christian pawl in Pongal ih nunphung daan pawl sunloihnak in an tuah. Hanghngah hang rah hmaisa bik an ngah nak Hebrew puai le Christian ih pentecost puai pawl cu harvest festival thawn a pehpar aw. Tuisan ah Pongal cu leitlun killi ih Tamil pawl ih nunphung puai thawn a pehpar aw ih Hindu asilo le le loram hnatuan thu zianghman a thei lo tu pawl khal tel in an tuah. Himi thuthang cu RVA thuthang ihsin kan don mi a si.

         https://bit.ly/3kxtckL