Nigeria ih Catholic do tuarnak ruangah mi 11 nunnak cem

Nigeria ih Catholic do tuarnak ruangah mi 11 nunnak cem.

           January 19 ah Nigeria ih Makurdi Diocese ih khua pakhat kiang ih rei lo te sung umnak Abagena ih IDP ah Fulani pawlih do nak ruangah mi 11 an nunnak an liam.  Fr.Moses Aondover Lorapuu ih a simnak "a hleiceih do tuar mi pawl cu Catholic pawl an siih tuahmawh tu pawl cun kan dung naite ih do tuar nak ruangah an khua le ram tansan tu pawl an do" tiin asim. "Zanlam ah cun mi 11 an that ih, nunau le nauhak khal an tel ih hliamhma thawn siizung ah mi tampi an um" tiin Puithiam in a sim.  "An tuah mawh nak zuk pawl cu rapthlak za a siih, ISIS an si lo hman ah minung ih thil tuah mi ti hman ih rel ngam lo ding mi raptlak za a si tiin" a sim bet. Mi an that theh ah " tuahmawh tu pawl cun mi thenkhat an that ih then khat cu an thil tuah mi hmu tu pawl khal an si" tiin a sim. 

         Fr. Aondover ih a simnak vekin "palik le ralkap pawl  cu thil a can nakah an thlen a tlai ringring ih tuahmawh tu pawl zohman an thei lo" riahsiat zet ih a sim mi cu "tuahmawh nak pelhlo ih a can nak in cozah ah tuahmawh tu pawl kaihnak le cangvaihnak ti vek khal a um lo" tiin a rel.  Nigeria ah 2009 lai in tuahmawhnak a thok ih an tumbik mi cu an ram Islam ram ih cang dingah a si. A tui lai hrangah Africa ih a tambik Islam pawlkom pawl in zianghman ruat mumal nak um lo in khua mipi pawl, biaknak lam mi pawl le cozah pawlkom pawl tuahnak nak ah an cangvai. Christian pawl le Fulani ih ramsa pawl kilkhawi tu pawl cu nitlak nak lam ih Africa ram pawl ah khat le khat buainak pawl an nei. Fr. Aondover in "ram ram ih community le cozah tlansan nak pawl ruangah kan riah a sia zet" tiin ACI Africa in interview nak ah a sim. Himi thuthang cu RVA thuthang ihsin kan don mi a si. 

https://bit.ly/3XpXK6J