Franciscan Sister pawl Kawlram an thlennak kum 125 kim Jubilee tuah.

Franciscan Sister pawl Kawlram an thlennak kum 125 kim Jubilee tuah.

          Sisters of Franciscan Missionaries of Mary (FMM) Kawlram an thlennak kum 125 kim cu January 20 ah an tuah. Mandalay Archdiocese ih Archbishop Marku Tin Win in Myanmar, Mandalay St.John Biakinn ah 10am ih tuah mi Missa raithawinak a hoha. Kawlram sung ih FMM Sister pawl himi caanserh ah an tel.

          Missionary Bishop pawl, Puithiam pawl, Sister pawl le thlarau lam Pathian hang riantuan tu nurse pawl thawn Jubilee Missa an tuah. Aliam zo mi kum 125 ah Fr.Wehinger ih dilnak in 1898 January 19 ah Mandalay ah FMM Sister rakdin tu mi 6 an thleng ih Myanmar ram Mandalay ah rian an rak tuan.

          Fr. John Wehinger (MEP) in St.John biakinn ih a ummi miphar pawl a rak kilkhawi. Sister pawl an thlen ih a thaisun in an hnatuan an thok cih. Nat tuar mi 200 luan an um. Tong le sumpai lam ah harsat an ton nan an hnatuan cu Jesuh Christ nuncan cawng in lungawi ten an tuan. 1066 hlan ah phar nat nei mi 1400 lai cutawk ah an rak um.

          Nasa zet ih rian an tuan lai ah 1966 ah Kawlram ihsin an suak ding caan a kimih ram dang mi Sister 27 cu an ram ah kir sal dingah thupek an si. FMM Sister pawl in 1966 September 22 ah minaa an tuamhlawm nak hmun in an suak. FMM Sister pawl in St.John biakinn ah Pathian riantuan in kum 68, thla riat le ni 3 an um. An congregation cu Sister 6 in Myanmar ah rian tuan an thok ih a tuah ram mi Sister 185 an um.

          Cumi lakah Sister 27 ram dang ah rian an tuan. Comminity 22 ah Sister 132 in kumkhua thukamnak an la ih, 26 in a lang ten thukam nak an nei ih, 6 Asirant an um ih 4 postulant an um. Sr. Lucia Ling Hing Pai cu a tu Myanmar ram FMM congregationih superior General a si.

          FMM Sister pawl ih kum 100 kim Jubilee cu Chan Thar khua ah an rak tuah. Cui kum 100 an kim nak convent cu January 15 ah Myanmar ralkap pawl in an siat suah. FMM Siste pawl cu Pathian ih mi pawl hrang rian an tuan ih "Leitlun ih natnak pawl dam ter dingah, nunphung le sinak a phunphun lak ah Pathian duhdawt nak phuang dingah" a si.

          Atucah FMM Sister pawl in AIDS/HIV nat nei pawl an tuamhlawm ih pawlkom in mi bawm nak siivai pawl, fimzirnak le Pathian thuzirhnak pawl cu IDPs hmun ah an zirh. Mi farah pawl inn pawl peknak, boarder hrangah inn pawl le border pawl zohkhennak le um tlan daan pawl an zirh. Himi thuthang cu RVA thuthang ihsin kan don mi a si.

https://bit.ly/3DepK55