Asia Foundation in rualremnak, remdaihnak hrang Biaknak phunphun thureltlangnak Bangladesh ah tuah.

Asia Foundation in rualremnak, remdaihnak hrang Biaknak phunphun thureltlangnak Bangladesh ah tuah.

          Bangladesh ih Asia Foundation in Jan 23 ah Bangladesh ram, Dhakha khuapi ih um Westin International Hotel, Gulshan 2 ah ram tinkim thawn pehpar mi lungrualnak le remdaihnak  hrangah ram tinkim thawn pehpar in thureltlangnak an rak tuah.

          Cui caanserh in Asia Foundation ih cangvaihnak pawl ih thathnemnak pawl parah ram sungih um Biaknak lam hotu pawl ih thuanthu pawl ngai dingah tumtah in a hleice in ‘Biaknak lam thawn pehpar mi pehtlaihnak pawl a tumtah. An rak reltlang mi pawl sungin remdaihnak tumtahnak pawl ah ruahnak luan mi pawl donak le nunau pawl ih thil ti theinak khaisannak pawl an si.

          Bangladesh ram ih tel tu pawl siar lo ah Indonesia, Vietnam le US ihsin remdaihnak lam cohlangtu mipum 50 hrawng kumtin hi thureltlangnak ah an tel theu. Fr. Patrick Gomes le the Rajshahi Dialogue Commission ih secretary, in milai covo lam Foundation ih project pawl le Biaknak phunphun ih cangvaihnak pawl cu miphun le cui hmun ih um  mipi pawl pawlkom tel in hramthok milai pawl a siatsuah thei thu an rak sim.

          Cui caanserh ih tel tu hrekkhat pawl in an hmuhdaan an rak lang ter ko nan biaknak phunphun rualremnak um ter ding cu a ol lo tiah a rak sim. Kolpona Vowmik, Rajshahi ihsin tel tu Hindu Biaknak zumtu pakhat in mipum malte umnak pawlkom ih zalennak le Biaknak lam covo pawl a kilhim sak ruangah the Early Response Unit Project hnenah lungawi thu a rak sim.

          Project ih senior Program officer, Snigdha Zaman in Asia Foundation in milai covo, sinak le Bangladesh ih Biaknak phunkim rualremnak le remdaihnak lam hlawhtlinnak thawn pehpar mi thuanthu lam ah a hloptlo thu a rak sim. Asia Foundation cu acozah, mipi lam nunphung pawlkom pawl, pawlkom le Biaknak lam hotu pawl thawn an tuan tlang ih ram ih bang awk lonak pawl langsar ter in thansonak tumpi ih telnak ah a ol deuh ter tu ding hotu pawl hiip thei dingah Bangladesh ih um bulpaak lam ih hniksaknak pawl cingfel dingah an tuan tlang.

          Hi thuthang cu RVA thuthang ih kan ngah mi a si.

https://bit.ly/3Y1DQ1A