Bangladesh Sister in 2022 Mahatma Gandhi remdiahnak laksawng ngah.

Bangladesh Sister in 2022 Mahatma Gandhi remdiahnak laksawng ngah.

          Catholic Sister Mary Rina Magdeline Cruze cu fimthiamnak lam ih a hleice  mi bawm nak pawl ruangah 2022 Mahatma Gandhi Peace laksawng a ngah. Sister cu Bangladesh ih a tum bik Catholic nunau pawl riantuannak Associates of Mary Queen of Apostle (Santa Maria Regina Apostolum lole SMRA) ih sungtel a si.

          Sister Rina cu India ram West Bengal, Kolkata ih South Asia Social Cultural Forum and CPDR (Human Rights) ih theihpit nak ih pek mi a si. Sister Rina cu Nigari ih Bhurlia khua Tolentino ih St. Nicholas biakinn ah a rak suak. A hmaisabik thukamnak cu 1980, January 6 ah a lakih, netabik thukamnak cu 1986 January 6 ah a lak.

          Kum 43 lai nunphung a phunphun thuzir nak pawl ah a rak bawm. Kum 26 lai Kumudini Nursing Institute ah thil tampi a rak tuah ih a tu ah institute ih uktu tiin tian a tuan. “Himi laksawng cu kan Christian nu pawl hrangah a thupi zet asi tiin ka ruat”tiin Sister Rina in a sim.

          “Himi laksawng cu hnatuan a zuam zet mi pawl ahleice in nunau pawl pek ding asi” tiin a sim. “Nunphung a phunphun ih riantuan rero tu social thansonak ah thazang suah in zuam zet ih tuan tu pawl pek ding” tiin a sim bet. India cozah in himi laksawng pek nak cu 1995 Mahatma Gandhi ih kum 125 suah ni in an tuah thok.

          Himi laksawng cu socio economic asilole ram khel thleng nak ah tuahmawhnak umloin le Gandhian daan vekin riantuan tu pawl an pe. Himi cu Kumudini Welfore Trust, Rai Bahadur Ranada Prasad Shada rak din tu ih tummi Tangail, Mirzapur siizung ih women medical college dinnak dingah a si.

          Kumudini Women medical college cu 2001 ah an rak din ih Kumudini Welfare Trust pawl kom pakhat ah a cang. Himi cu kum 80 luanlai harhdamnak le fimthiamnak lam ih hmuhton mi khal a si. Himi thuthang cu RVA thuthang ihsin kan don mi a si.  

https://bit.ly/3jfHeaA