Cambodia ah Biakinn thar le hramthok tlawng phuan.

Cambodia ah Biakinn thar le hramthok tlawng phuan.

          St.Jame Catholic Biakinn cu January 15 ah Bishop Enrique Figaredo, SJ, Puithiam tampi thawn cutawk hmunih Catholic mi pawl le khua ih thunei tu pawl thwn an ong. Msgr. Enrique in "hitawk ih Biakinn kan neih nak in Puisat ah nunphung pawlkom neih nak, cangvaihnak le mipawl in evangelis hna tuannak thil tha tuahnak pawl an hmu thei ding" tiin a sim.

          Aihre zawng deuh in Pursat khuapi ah an sak ih, nitlak nak lam Phnom Penh khuapi thawn 200km a hla, luanglu lam 50m a sang ih sui zawng thawn tuah mi lukhuh khummi zuk lem a um ih a kut ah kianghrol a keng.

          A zim bik ah thinglamta an tuah. Zuk an tuah mi zoh asile "St.James Catholic Church, Pursat Provine" a si. Pursat ah caan reipi Catholic Kohhran a rak um zo. Parish thuhla von rel ding asile, Battambang ah kum zabi 18 lai in a rak thok zo tiin Bishop Enrique in a sim.

          Pursat ih Parish cu 1992 Khmer Rouge regime do awk nak theh in an thok sal. Cumi do awk nak ah Christian innsang telin mi 2M lai an nunnak an cem. St. Jame Biakinn in Pathian lamzin ih fehnak ah in thar ter sal nak, mi harsa pawl riannak, Gospel phuang nak le kumkhua nunnak lam fehnak pawl a lang ter.

          Kum 72 asimi Mr.Seila Oh Vise ih hlanlai Christian le Parish councilor cu 1989 ah Catholic ah a cang. 1975-1979 Cambodia ah doawk lai ah mi rampi an ramri ih  ram pawl ah an tlan. A lang ten umnak inn ah an umih mi tampi cu Catholic ah an thawn ih 1990 hrawng raldonak a cem in a ram ah an kir.

          "Raldo  nak a can hnu, a tangsun pawl in Pursat ah biakinn hlun cu a tu ah Palik zung ah a cang " tiin Viseth in a sim. A tu ah Pursat ah Catholic community pakhat lawng a umih Pursat khuapi, Prey Nhy commune, Moorche khua ah a um. Cumi cu mino le nauhak pawl hrang an fimthiam nak ah nasa zet in an cang vai.

          St.James Biakinn ah Catholic mi 40 an umih a tam sawn cu kum kim zo le kum upa an si. An biakinn sak man cu $370,000 asih mi bawm tu pawl le ramdang pawl in an bawm. Kumhra luan lai St.jame Biakinn ah Sister of Christian Doctrine (SDC) pawl in Gospel phuangnak, hramthok tlawng le mino pawl hrang center an din ih fimzir nak hmun ah Gospel an phuang.

          Mary Mercy hramthok tlawng cu 2014 ah an thokih a tu 2023 ah kum 8-9 a kim thlang. Pursat ih hramthok tlawng a thok ihsin nauhak 20-30 hrawng khan an sang ih zinglam ah ca zirh nak an nei ih kum 2-3 hnu in tlawngta tampi an ra ih Mara Dominoca Kim SDC an rak thok.

          Pursat ih Mary Mercy hramthok tlawng ih hotu cu Sr.Maria asiih mifarah mi tampi le tlawng ngai kai thie lo nauhak tampi an um asinan a thok nak ah hitawk hmunih Gospel phuang ding a rak ol lo.

          "Ziangruangahtile kum upa pawl in ramdang biaknak kan si, Cambodia biaknak kan si lo tiin a rak zirh asinan an ruahnak an thleng ih a hlan ah nauhak 40 an um ih a tu ah 90 ihsin 100 hrawng an um " tiin Sr.Maria in a sim. Thenkhat a ong zo pawl Biakinn ah kirsal in Pathian thuphuang nak bawm dingah an forhfial.

          Fimthiamnak le Pathian thu phuang nak an cangvaih nak phen ah Pawlpi in cutawk hmun ih mi pawl dinhmun thei dingah zuam nakn le an mah pawl tlawng in Pathian in anmah pawl a duhdawt ti thei dingah an sim. Cuini thotho ah, Mary Mercy hramthok tlawng cu St.Jame Biakinn ah an ong. Khan 4 a um, coka pakhat, nauhak pawl ih nak pakhat, rawlei nak le zungkhan a um. Tlawng sak nak ah $150,000 an cem. Himi thuthang cu RVA thuthang ihsin kan don mi a si.

https://bit.ly/3RiSM9q