India ram ih Union Minister of Minorities in Christian pawl a palh mi lungthlengnak ih puhmawhnak pawl el.   

India ram ih Union Minister of Minorities in Christian pawl a palh mi lungthlengnak ih puhmawhnak pawl el.   

          Union Minister of Minorities John Barla in Jan 27, Kolkata ih Peace Rally ah remdaihnak hrang duhphorhnak ah a rak sim. India ram ih um Union Minister of Minorities ih Mr. John Barla in India ram ih thansonak hrangah Christian pawlkom ih bawmnak tampi a rak langsar ter.

          Minorities ih Union Minister in harhdamnak, siizung, kum upa umnak inn, fimzirnak tlawng pawl tawlrelnak thawn Christian pawlkom ih obmnak tampi a rak lawm.

          Christian pawlkom pawl thlengawknak lam thawn pehpar mi puhmawhnak pawl cu minister Barla in nasa zet in a rak el. A hlu sumpai pawl tampi a um ih upat awknak a um lo. Minung pawl an thlengawk ti mi puhmawhnak zingah a um? A si lo; Minung pawl kan thlengawk ter lo tiah a rak sim.

          Khuapi pawl le acozah pawlkom pawl um lo mi ram ih hmundeng pawl ah Christian tlawng pawl a um. Pursum leilawnnak tuahtu pawl le ramkhel lam pawl in an fale pawl tlawng an ret tiah a rak sim.

          Mahatma Gandhi in film lemcangtu Shah Rukh Khan in bulpaak lam tampi Christian tlawng ah a rak zir.

          Mr. John Barla in West Bengal ih um Alipurduar mee thlaknak ah 2019 ah hrilawknak ah nehnak a rak ngah ih mi tamsawn  cu Adivasi Christian pawl lole a mah vekin Muslim an si tiah a rak sim.

          Christian pawl in acozah an dodal lo. A si le ziangah thawi kan tuar? Lungthlengnak pawl ruangah ziangah mawh in puh? Tiah a rak sim.

          Barla in a thusim mi ah “thuhla pakhat cu Christian pawl in ram hrangah an bawmnak pawl lang ter dingah an rak pelhnak a si. Curuangah acozah upatnak a um lo. Hi hi rampi buainak a si lo. Christian pawl in remdaihnak le thansonak lawng an duh” tiah a rak sim.

          Minister in Chhattisgarh ramthen ah kan dung rei lo te ih rak cang mi Christian pawl biaknak lam thawnnak pawl tiah puhmawh in a rak sim. Cu tawak ah tuahmawhnak hrangah BJP hotu pakhat an kai ko nan party thawn pehtlaihnak a um lo. Miphun pahnih lak tuahmawhnak a si.

Jan 17, India ram, New Delhi ih BJP Prime Minister, Mr. Narendra Modi in hi party sungtel  pawl hnenah Muslim le Christian le a dang mipum malmi pawlkom pawl ah hrilawknak lam telh in ruahnak tel lo in pehtlaih dingah an pawlkom pawl lak ah zumnak din ding tumtahnak thawn a rak forhfial.

          Hi thuthang cu RVA thuthang ih kan ngah mi a si.