Pontifical Mission Societies in Syria ram, Turkey ih linghnin hrang sumpai bawm.

  Pontifical Mission Societies in Syria ram, Turkey ih linghnin hrang sumpai bawm.

          Tlawngkai nikhat ni ah US ih Pontifical Mission Societies in linghnin ih tuahmawhnak tuartu pawl bawm dingah Turkey le Syria hrang the Earthquake Aid ah sumpai in bawmnak an rak pek. Hi zemdarhnak in linghnin tuartu pawl bawmnak ah mission hnatuantu Puithiam pawl, thukam pathum latu Sr. pawl le mission hnatuantu mipi pawl a bawm ding.

          “Linghnin ih siatsuahnak zat a zaten thei dingah cun a tuan tuk lai ko nan, hmuhton mi in hmailam caan tha ten ruah cia a tul tiah in sim,” tiah the Pontifical Mission Societies (PMS) ih US National Director, Monsignor Kieran Harrington in a rak sim. CNN ih tarlang vek a si le tha 7.8 um mi linghnin ruangah cui tikcu caan zing 4:17 am le tlawngkai nikhat sun ih tha 7.5 um mi Linghnin Turkey le Syria ih a can ruangah mipum 7900  luan an thi ih mipum 1000 hriamhma an tuar ti a si.

          CNN thuthangin Turkey le Syria ah inn cim thawng tampi sung lakih mipum 4 million cun humanitarian assistance an rinsan tiah a tarlang. Monsignor Harrigton in “mission hnatuantu pawl bawm dingah an man cia zo. Turkey ram ih national director in tui thilcang ruangih kuat mi dollar tinkim thawn hi thilcang ruangih harsatnak tongtu pawl hnenah direct in a thleng ti fiang dingah NGO pawl thawn an tuan tlang rero,” tiah a rak sim bet.

          Pope Francis in tlawngkai nikhat ni ah linghnin ih rak siatsuahnak a tuar tu pawl hrangih a riahsiatnak a rak langter ih Turkey le Syria ih mipi pawl thawn riahsia in naihniam ten a um thu a thar ih a langter thu khal tlawngkai nihnih ni ah twetter ah a rak tarlang.

          “Turkey le Syria ih linghnin tuartu pawl thawn ka thinglung zate in naihniam ten ka um. Nunnak a liam tu pawl, hriamhma a tuar tu pawl, innsungsang pawl, le a runtu pawl hrangah thla ka cam sak rero. Hi tihnungzet mi thilcang lakah kan mai a hngetkhoh zet mi bawmnak pawl in sawmdawl thei hram seh,” tiah a rak ti.

          Chaldean Bishop in “mipum 2 million le hrek hrawng um mi khuapi cu electric, tidai le meisa hlum um lo in an um. Thlatang caan cu a dai tuk ih a har tuk. Lamzin tluan lole mawtaw sung pawl ah minung pawl ka hmu. An thinphang in, ziang a cang ding an thei lo. Ziangah tile cu mi thilcang a cem lo men thei tiih sim rel nak pawl khal a um rero,” tiah Fides ah a rak sim.

          The Pontifical Mission Societies, USA in Catholic diocese pawl ah sumpai an thunlut dingih rinsan tlak zet mi hnatuan pi pawlkom pawl in hi besia zet mi tihnungza ruangih a tuar tu pawlkom pawl ih tulsam mi pawl an silhkhah ding.“A ralai ding mi ni pawl ah hi mipum a thang deuhdeuh ding” tiah Monsignor Harrington in a rak sim. Kan ruahsan mi cu US ih Catholic pawl in tirhsiannak, minung pawl ih harsatnak pawl demdeuh dingah a thupi mi pawl an bawm ding hi a si.

          Cui hmun Parish pawl ih Bishop pawl, le mission hnatuantu pawlkom pawl hnen ihsin US Pontifical Mission Societies in Pawlpi ih tulsam mi pawl parah dik zet in sumpai a zem ding. PMS in cui hmun le Biakinn pawl thawn pehtlaih in US ih mission hnatuantu Bishop pawl hnenah direct in sumpai a kuat.

          Hi tawk the Earthquake Aid for Turkey and Syria ah zo khal in khat le khat ngaihsak awknak hrangah sumpai nan hlu thei. Hi thuthang cu RVA thuthang ih kan ngah mi a si.  

         https://bit.ly/3YBXlhI